بۇگىن استانا قالاسى №2 ەسىل اۋداندىق سوتىندا ايىپتالۋشى سەيىتقازى ماتايەۆ پەن اسەت ماتايەۆقا قاتىستى سوت وتىرىسى باستالدى، - دەپ حابارلايدى Qamshy.kz قازاقپاراتقا سىلتەمە جاساپ.

ءىستى سۋديا اقبولات قۇمانتايەۆ قاراپ جاتىر. ايىپتالۋشىلاردىڭ مۇددەسىن ەكى قورعاۋشى، ياعني اندرەي پەتروۆ پەن ءمادينا باكييەۆا قورعاۋدا.

ەسكە سالا كەتەيىك، 2016 جىلدىڭ 24 اقپان كۇنى سوت قاۋلىسى بويىنشا سەيىتقازى ماتايەۆ ءۇي قاماققا الىنعان. 2016 جىلى 21 شىلدەدە الماتى پروكۋراتۋراسى كۇدىكتى س. ماتايەۆتىڭ ءىسىن استانا قالاسىنىڭ №2 ەسىل اۋداندىق سوتىنا جولدادى.

اعىمداعى جىلى 27 شىلدەدە سوت سەيىتقازى ماتايەۆتىڭ ءۇيقاماقتا بولۋ مەرزىمىن ەكى ايعا - 22 قىركۇيەككە دەيىن ۇزارتتى.

قاۋلى ورىندالۋى ءۇشىن استانا جانە الماتى قالالارىنىڭ سىبايلاس جەمقورلىققا قارسى ءىس-قيمىلدار بيۋروسى دەپارتامەنتتەرىنە باعىتتالدى.

اتاپ ايتقاندا، سوت وتىرىسى اشىق تارتىپتە ءوتىپ جاتىر. وسى رەتتە ب ا ق وكىلدەرى ارنايى زالدا سوت وتىرىسىن ەكران ارقىلى تىكەلەي كورىپ وتىر.