استانادا جولاقى تولەۋدىڭ ەلەكتروندى جۇيەسى جۇزەگە اسىرىلا باستادى. ەندى ەلوردا ماڭىنداعى اۋىلدارعا جولاۋشىلار تاسىمالداۋ 4 تاريفتىك ايماق بويىنشا جۇرگىزىلەدى. ناقتىلاپ ايتقاندا، بۇعان دەيىن قالا سىرتىنداعى 24 ەلدى مەكەنگە قاتىنايتىن 14 باعداردىڭ جولاقى قۇنى بىلاي بولىنبەك، - دەپ حابارلايدى Qamshy.kz 31 ارناعا سىلتەمە جاساپ.

اۆتوبۋستاردىڭ 1ء-شى ايماعى - قالا ءىشى. بۇل اۋماقتا جول ءجۇرۋ قۇنى ەرەسەكتەرگە 90، ال بالالارعا 40 تەڭگە.  ودان كەيىنگى 2ء-شى ايماققا بارۋ ءۇشىن 200 تەڭگە شىعىنداناسىز. 3ء-شى جانە 4ء-شى تاريف بويىنشا سايكەسىنشە 300 نەمەسە 400 تەڭگە تولەيسىز.

 ايماقتار اراسىنداعى ارا قاشىقتىق 15 شاقىرىمنان جانە ءار ايماق ىشىندەگى جولاقى 90 تەڭگەدەن اسپاۋى ءتيىس. بۇدان بولەك وسى ءبىرىنشى كەزەڭدە ءبىرقاتار ازاماتتارعا جەڭىلدىكتەر قاراستىرىلعان. ولاردىڭ قاتارىنا سوعىس ارداگەرلەرى، زەينەتكەرلەر، بارلىق توپتاعى مۇگەدەكتەر، كوپ بالالى انالار مەن وقۋشىلار كىرىپ وتىر.

- قالالىق تۇرعىنداردىڭ جالپى سانى 93 مىڭ ادامدى قۇرايدى. ال قالا ماڭىنداعى ەلدى مەكەندەردە تۇرعانداردىڭ سانى 12 مىڭنىڭ ۇستىندە. وسى ازاماتتار جەڭىلدىكپەن پايدالانا الاتىن بولادى، - دەيدى "استانا LRT" جشس-نىڭ جولاۋشىلار كولىگى مامانى ءابدىحاميت تامابايەۆ.