وسكەمەن ءىىب كريمينالدىق پوليسيا قىزمەتكەرلەرى تەلەفون ارقىلى الاياقتىق جاساعان كۇدىكتىنىڭ 29 جاستاعى پاۆلودار تۇرعىنى ەكەنىن انىقتادى، - دەپ حابارلايدى Qamshy.kz قازاقپاراتقا سىلتەمە جاساپ.

جاس جىگىت وسكەمەن تۇرعىندارىنىڭ ءۇي تەلەفونىنا حابارلاسىپ، ولاردىڭ جاقىن تۋىسى ەسىرتكى ساقتاعانى ءۇشىن، جول اپاتى نەمەسە بۇزاقىلىق ءۇشىن پوليسياعا ۇستالدى دەپ ايتقان جانە ماسەلەنى تەز شەشىپ بەرۋ ءۇشىن اقشا تالاپ ەتكەن. ماسەلەن، وبلىس ورتالىعىنىڭ 67 جاستاعى تۇرعىنىنان 100 مىڭ تەڭگە جىمقىرعان. ال 68 جاستاعى تاعى ءبىر تۇرعىن 60 مىڭ تەڭگەسىن بەرگەن.

پوليسيانىڭ حابارلاۋىنشا، ءقازىر كۇدىكتىنىڭ ەكى الاياقتىققا قاتىسى بارى انىقتالدى. ءبىراق، ول جاساعان قۇقىق بۇزۋشىلىقتار بۇدان دا كوپ بولۋى مۇمكىن دەپ بولجانىپ وتىر.

«الاياق» ۋاقىتشا ۇستاۋ اباقتىسىنۆا  قامالدى، الاياقتىق فاكتىسى بويىنشا تەرگەۋ جۇرگىزىلۋدە. ونىڭ باسقا دا وسىنداي قلىمىستارعا قاتىسى بار-جوعى انىقتالۋدا.

پوليسيا قىزمەتكەرلەرى ايماق تۇرعىندارىنا ساق بولۋدى جانە وسىنداي قوڭىراۋلار تۇسسە، شۇعىل تۇردە پوليسياعا حابار بەرۋدى ءوتىندى.