قازاق ۇلتتىق اگرارلىق ۋنيۆەرسيتەتىنىڭ ءبىر توپ وقىتۋشىسى بۇگىن وزدەرى تۇرىپ جاتقان جاتاقحانا الدىنا جينالىپ، نارازىلىق شاراسىن وتكىزدى. ايتۋلارىنشا، وقۋ ورنىنىڭ باسشىلىعى جاتاقحانانى جالعا الۋ قۇنىن جوعارلاتىپ، وزدەرىن ونى بوساتۋعا ماجبۇرلەپ جاتىر، - دەپ حابارلايدى Qamshy.kz 31 ارناعا سىلتەمە جاساپ.

الايدا ۋنيۆەرسيتەت اكىمشىلىگىنىڭ بۇعان ايتار ءوز ءۋاجى بار.

ء-بىزدىڭ ءقازىر باراتىن جەرىمىز جوق. ءۇيىمىز دە جوق، جەرىمىز دە جوق. مەن مىسالى 2 بالانى اسىراپ وتىرمىن، قايدا باراتىنىمدى بىلمەيمىن. وسى ۋنيۆەرسيتەتتە جۇمىس ىستەپ جاتقانىما جانە مىنا جاتاقحانادا تۇرىپ جاتقانىما 25 جىل بولدى، - دەيدى وقىتۋشى.
 
جاتاحانادا تۇرۋ مەرزىمى تامىز ايىنىڭ 15-نە دەيىن دەپ بەرىلگەن ەسكەرتپە قاعازدارىن قولىنا قىسقان ۇستازدار بۇل جەردەن شىقساق بارار باسپانامىز جوق دەپ زار يلەۋدە. ءقازىر بۇل جەردە 750-گە تارتا قىزمەتكەر تۇرادى ەكەن. ءبىلىم ورداسىنىڭ باسشىلىعى بۇدان بىلاي جاتاحانانىڭ ءار شارشى مەترىنە 2050 تەڭگەدەن تولەيسىڭدەر دەپ قىسقا قايىرىپتى. ەسەپتەگەندە اي سايىن 97-130 مىڭداي تەڭگە شىعادى ەكەن. الايدا جالاقىمىز 100 مىڭ تەڭگەدەن اسپايدى دەگەن وقىتۋشىلار بۇل جاڭاشىلدىققا نارازى. ال جوعارعى وقۋ ورنىنىڭ باسشىلىعى بيىل ۋنيۆەرسيتەت 500 ماگيسترانت، 40 دوكتارانت پەن 4 مىڭعا جۋىق جاڭا تالىمگەر قابىلدايدى. ولاردىڭ بارلىعىن جاتاقحاناداعى ورىنمەن قامتۋ مۇمكىن بولماي تۇر -دەيدى.