ءبىر ايدان سوڭ "جەڭىس كۇنى" مەرەكەسى. قازاقتىڭ «ۇلى وتانى» قايسى؟ قازاقتىڭ قانىن سۋشا اعىزعان ستاليننىڭ اۋىزىنان شىققان بۇل ءسوزدى الاش بالاسى نەگە سونشا قۇداي سوزىندەي كورەدى؟ جيھان سوعىسى بولعانىن، ول سوعىستا قۇرامىندا قازاقستان بار كەڭەس وداعىنىڭ جەڭىسكە جەتكەنىن ەشكىم جوققا شىعارمايدى. ءبىراق تاۋەلسىز ەلدىڭ ۇرپاعىنىڭ ءوز «ۇلى وتانى» بار. ول - قازاقستان. الدە ەسىمىزدى ەكەۋ، ءتۇسىمىزدى تورتەۋ قىلعان قۇلدىقتىڭ قامىتىن شەشكىمىز كەلمەي مە؟ ەستەرىڭىزدە بولسا، ءىى دۇنيەجۇزىلىك سوعىستىڭ 60 جىلدىعى قارساڭىندا رەسەي «تاۋەلسiز مەملەكەتتەر دوستاستىعى ءۇشiن بارلىعىمىز بiر كiسiدەي مەرەكەنi اتاپ وتەيiك!» دەگەندە، بالتىق ەلدەرى نە دەدى؟ «ۇلى وتاندارىڭنىڭ» جەڭىسىن تويلاي بەرىڭدەر، «ءبىزدىڭ ۇلى وتان باسقا» دەدى دە قولىن ءبىراق سىلتەگەن. ولگەن-تىرىلگەنىنە قارماي، «وتان، وتان» دەپ جۇرگەن سول باياعى ءبىزدىڭ ەل! تاۋەلسىز قازاقستاننىڭ كوك تۋىنىڭ استىندا «ۇلى وتان سوعىسى» دەپ ۇرانداۋعا ءتيىسپىز بە؟ سان عاسىرلىق تاۋەلسىزدىك كۇرەسى «ۇلى وتان سوعىسىنان» كەم بە؟ ۇلت باتىرى كەنەسارىنىڭ باسىن ۇستاپ وتىرعان سول «ۇلى وتان» ەمەس پە؟ ءيا، ءىى دۇنيەجۇزىلىك سوعىسقا قاتىسقان قارتتارىمىز بار. ولارعا پاتەر بەرسىن، كولىكتە تەگىن جۇرگىزسىن... كونەنىڭ كوزىنە قانداي سىي جاساسادا ەشكىمنىڭ قارسىلىعى جوق. ول ءۇشىن «ۇلى وتان» دەپ ۇرپاقتى اداستىرۋدىڭ قاجەتى قانشا؟

ايتىڭىزشى، ءسىزدىڭ «ۇلى وتانىڭىز» قايسى؟