بيىلعى جىلى بiلiم گرانتتارىن تاعايىنداۋ كونكۋرسىنا 59 677 تۇلەك قاتىسىپ جاتىر. ولاردىڭ iشiندە 47 342 ادام، ياعني 80 پايىزعا جۋىعى قازاق، ال 12 335 ادام ورىس تiلiندە وقىعان. بۇل تۋرالى بۇگiن ءبىلىم گرانتتارىن ءبولۋ جونىندەگى رەسپۋبليكالىق كونكۋرستىق كوميسسيانىڭ وتىرىسىندا ق ر بiلiم جانە عىلىم مينيسترi ەرلان ساعادييەۆ ءمالiم ەتتi، - دەپ حابارلايدى Qamshy.kz BNews.kz - كە سىلتەمە جاساپ.
جالپى، بيىل 31 702 گرانت ءبولiنگەن. ونىڭ iشiندە 2 950 ورىن جوعارى وقۋ ورىندارىنىڭ دايىندىق ءبولiمشەلەرiنە، 28 752 گرانت كۇندiزگi ءبولiمگە قاراستىرىلعان.
«بيىل مەملەكەتتiك تاپسىرىستى قالىپتاستىرۋ ەلدiڭ الەۋمەتتiك-ەكونوميكالىق دامۋىنىڭ ستراتەگيالىق باسىمدىقتارىنا نەگiزدەلدi. 12 593 گرانت تەحنيكالىق جانە تەحنولوگيالىق، 5 مىڭعا جۋىق گرانت پەداگوگيكالىق، 2 690 گرانت اۋىل شارۋاشىلىعى جانە ۆەتەرينارلىق، 3 مىڭ گرانت مەديسينالىق ماماندىقتارعا ءبولiندi. بiلiم گرانتتارىن ورنالاستىرۋ مۇمكiندiگiنە بيىل 87 جوعارى وقۋ ورنى يە بولدى. بىلتىر ولاردىڭ سانى 64 بولاتىن. بۇل وقۋ ورىندارىنىڭ تiزiمi كونكۋرستىق نەگiزدە انىقتالدى»، - دەپ حابارلادى ە.ساعادييەۆ.
بيىل ەلiمiزدە ۇلتتىق بiرىڭعاي تەستiلەۋگە 84 041 وقۋشى قاتىسىپ، 69 789 ادام سىناقتى ءساتتi تاپسىرعان. ورتاشا بالل - 81،2. ال 74 881 ادام كەشەندi تەستiلەۋدەن ءوتiپ، ولاردىڭ 27 743-i شەكتi بال جينادى. ورتاشا بالل – 39،9.
«وسىلايشا، ۇلتتىق بiرىڭعاي تەستiلەۋ مەن كەشەندi تەستiلەۋ قورىتىندىسى بويىنشا 97 532 ادام جوعارى وقۋ ورىندارىنا ءتۇسۋ قۇقىعىنا يە بولدى. بiلiم گرانتتارىن تاعايىنداۋ كونكۋرسىنا 59 677 ادام قاتىسىپ جاتىر. ونىڭ iشiندە 47 342 ادام، ياعني 80 پايىزعا جۋىعى قازاق تiلiندە، 12 335 ادام ورىس تiلiندە وقىعان»، - دەپ اتاپ ءوتتi مينيستر.
ەستەرiڭiزگە سالا كەتەيiك، ەرلان ساعادييەۆ مينيستر بولىپ تاعايىندالعاننان كەيiن جاساعان العاشقى ءمالiمدەمەسiندە مەملەكەتتىك ءتىل مەن وسى تىلدە ءبىلىم الۋ جۇيەسىنە قاتىستى ويىن ايتا كەلىپ، قازاق تىلىندە ءبىلىم العان جاستاردىڭ بولاشاعىنا كۇمان كەلتىرگەن بولاتىن.
«قازاق مەكتەپتەرىندە وقىعان جاستاردىڭ ءارى قاراي ساپالى ءبىلىم الۋىنىڭ شەكتەۋلى ەكەنىن كورىپ وتىرمىز. مىسالى، ءبىزدىڭ ەڭ جوعارى اعىلشىن تىلىندە ءدارىس بەرەتىن نازاربايەۆ ۋنيۆەرسيتەتىنە، قمەبي، قبتۋ، IT ۋنيۆەرسيتەتتەرىنە اۋىل جاستارىنىڭ تۇسۋىنە ءبىراز قيىنشىلىقتاردىڭ بار ەكەنىن ءوزىم كوردىم... بىزدە ورىس تىلىندە وقىتاتىن مەكتەپتەر دە بار. ولاردا دا كوپتەگەن قازاق جاستارى وقيدى. شىنىن ايتساق، وسى جاستاردىڭ كوبى، تىپتەن قازاق جاستارىنىڭ كوبى قازاق ءتىلىن دۇرىس بىلمەيدى، دۇرىس تۇسىنبەيدى. وسىنداي سەبەپتەرگە بايلانىستى بىزدەگى ءبىلىم الۋ جۇيەسىندە تەپە-تەڭدىك جوق، جاستاردىڭ ءبارى ءبىر دەڭگەيدە ساپالى ءبىلىم الۋىنا جاعداي جاسالماعان. ءبىزدىڭ ماقساتىمىز – وسىنداي قايشىلىقتاردى جويىپ، جاستارعا، اسىرەسە اۋىلدا جۇرگەن جاستارعا، بارىنە بىردەي ساپالى، زامان تالابىنا ساي ءبىلىم بەرۋ»، - دەگەن ەدi ە.ساعادييەۆ.
