تۇركيا پرەمەر-مينيسترى بينالي يىلدىرىم ەل ازاماتتارىن تولعاندىرعان ماسەلەلەردى ءوز اۋىزدارىنان ەستۋ ءۇشىن ءتيىمدى ءادىس تاپتى، - دەپ حابارلايدى Qamshy.kz Muslim.kz - كە سىلتەمە جاساپ.
وسى ماقساتتا مينيسترلەر كابينەتىنىڭ باسشىسى انكارادا تاكسي رولىنە وتىردى. ۇكىمەت باسشىسىنىڭ «جاڭا قىزمەتى» بارىسى جازىلعان تاسپا YouTube جەلىسىندە كەڭ تاراپ كەتتى.
بەينەجازبادا جولاۋشىلاردىڭ پرەمەر-مينيستردىڭ تاكسيست بولىپ وتىرعانىن كورگەندە تاڭدانا قاراعانى انىق كورىنەدى.
ءۇش ساعات ىشىندە يىلدىرىم استانالىقتاردى تەگىن تاسىمالدادى، ولارمەن ءارتۇرلى تاقىرىپتا اڭگىمەلەسىپ، وتىنىش-تىلەكتەرىنە قۇلاق استى.
قالا تۇرعىندارى ءوز كەزەگىندە پرەمەر-مينيسترگە الەۋمەتتىك-ەكونوميكالىق، دەنساۋلىق ساقتاۋ سالاسى جانە تەرروريزم ماسەلەلەرى الاڭداتاتىنىن جەتكىزدى.
