شىمكەنتتە پوليسەيلەر تاياۋدا جوعالعان 16 جاستاعى ايدانا قاحرامان تاپتى، - دەپ حابارلايدى Qamshy.kz Tengrinews.kz - كە سىلتەمە جاساپ.
بۇل تۋرالى وقو ءىىد باسپا ءسوز قىزمەتى حابار تاراتقان.
ونى ىزدەستىرۋگە شىمكەنت قالالىق ءىىب ءال-فارابي اۋداندىق پوليسيا ءبولىمىنىڭ جەكە قۇرامى تۇگەلدەي جۇمىلدى. وقو ءىىد-نىڭ بارلىق بولىمشەسىنە ايدانا قاحرامان قايدا ەكەنىن انىقتاۋ ماقساتىندا باعىتتاما تارالدى.
"بۇگىن، 4 تامىزدا جەدەل-ىزدەستىرۋ شارالارىنىڭ بارىسىندا شىمكەنت قالالىق ءىىب ءال-فارابي پوليسيا ءبولىمىنىڭ قىزمەتكەرلەرى ءىز-تۇسسىز جوعالعان ايدانا شىمكەنت قالاسىنداعى قۇربىسىنىڭ ۇيىنەن امان-ەسەن تاپتى. ءتارتىپ ساقشىلارى 16 جاستاعى قىزدى اتا-اناسى جەتكىزدى"، - دەلىنگەن حابارلامادا.
قازىرگى ۋاقىتتا پوليسەيلەر قىزدىڭ نەلىكتەن جوعالعانىن انىقتاپ جاتىر. تەكسەرىس ءجۇرىپ جاتىر.
ەسكە سالايىق، 2016 جىلدىڭ 31 شىلدەسىندە شىمكەنت قالالىق ءىىب ءال-فارابي اۋداندىق پوليسيا بولىمىنە 1975 جىلعى جەرگىلىكتى تۇرعىن حابارلاسىپ، كامەلەت جاسىنا تولماعان قىزىنىڭ جوعالعانىن مالىمدەگەن ەدى. ايدانا قاحرامان 28 شىلدەدە شامامەن ساعات 14.00-دە ۇيىنەن شىعىپ كەتىپ، ورالماعان.
