وقو-دا بەنزينى بار ۆاگوندار ورتەندى، - دەپ حابارلايدى Qamshy.kz Tengrinews.kz -كە سىلتەمە جاساپ. 

وقيعا قارابۇلاق اۋىلىنىڭ ماڭىندا "باتىس ەۋروپا - باتىس جۇڭگو" تاس جولىنىڭ بويىندا بولىپتى. مامانداردىڭ ايتۋىنشا، ءورت تۋرالى ءۇشىنشى ساناتتاعى (ءقاۋىپتىڭ جوعارى دەڭگەيىن بىلدىرەدى) حابار تۇسكەن. توتەنشە وقيعا ورنىنا ءورت ءسوندىرۋ قىزمەتى جونەلتىلدى. 

كۋاگەرلەر ءورتتى ۆيدەوعا تۇسىرگەن. ولاردىڭ ايتۋىنشا، جەلدىڭ كەسىرىنەن جالىن تەز ارادا شارپىپ، جارىلىستار بولعان. ال كورشى ورنالاسقان عيماراتتىڭ جۇمىسشىلارى ءقاۋىپسىز جەرگە جەتكىزىلىپتى. الدىن الا مالىمەت بويىنشا، ءورت "مۇناي" ج ش س مۇناي بازاسىندا شىققان. قازىرگى ۋاقىتتا بەنزينى بار 8 سيستەرنادا جانە سورعى ستانسياسىندا شىققان ءورتتى ءسوندىرۋ جۇمىستارى ءجۇرىپ جاتىر. شامامەن 100-گە جۋىق ادام مەن تەحنيكانىڭ 20 داناسى جۇمىلدىرىلعان.

ورتسوندىرۋشىلەر مۇناي بازاسىنداعى ءورتتى ءسوندىرۋ ءۇشىن كوبىك شاشىپ جاتىر. كوبىكتى بارلىق تەحنيكا جۇرگىزۋدە "كوبىك شابۋىلىنا دايىندىققا قىسقا ۋاقىتتا جاسالادى، سەبەبى تەمپەراتۋرا ءورتتى سوندىرۋگە ايتارلىقتاي اسەر ەتەدى. سونىمەن قاتار، جانۋ ۋاقىتى وسكەن سايىن ءورتتىڭ كورشى قۇتىلارعا تارالۋ ءقاۋپىن ارتتىرادى"، - دەپ حابارلادى ق ر ءىىم تجك رەسمي وكىلى.

ءورتتىڭ شىعۋىنا مۇناي بازاسىندا بەنزينى بار سيستەرنالارعا ۆاگونداردىڭ سوعىسۋى سەبەپ بولعان.

"قازسترويسەرۆيس" ج ش س جاقتان "مۇناي بك" ج ش س مۇناي بازاسىنا قاراي جوعارى جىلدامدىقپەن ءۇش ۆاگون باسىپ كىردى. ۆاگوندا 2 "ورال" اۆتوكولىگى مەن بوشكە بولعان. سيستەرنالاردىڭ سوعىسۋىنان ءورت شىققان"، - دەپ حابارلادى وقو تجد.

ايتا كەتەيىك، ۆاگونداردىڭ سيستەرنالاردى سوعۋى ناتيجەسىندە بەنزين توگىلگەن. سالدارىنان 12 سيستەرنا مەن 3 جارتىلاي ۆاگون ورتەنگەن. ءورتتىڭ كۇشەيىپ كەتۋىنە بايلانىستى 15 سۇيىق قويما دا ءورتتىڭ استىندا قالا جازداعان.

ساعات 12.59-دا ءورت تولىقتاي اۋىزدىقتالدى.