الماتىدا ءسۇيىنباي داڭعىلىنىڭ بويىندا قابىرعاعا سوعىسقان اۆتوبۋس اپاتىنان زارداپ شەككەندەرگە قاتىستى تۇسىنىكتەمە بەرىلدى، - دەپ حابارلايدى Qamshy.kz دەنساۋلىق ساقتاۋ باسقارماسىنا سىلتەمە جاساپ.

باسقارما مالىمەتىنشە، وقيعادان 13 ادام زارداپ شەككەن. ولاردىڭ ىشىندە 10 ادام قالالىق اۋرۋحانالارعا، 3 ادام وبلىستىق اۋرۋحاناعا جەتكىزىلگەن.

-10 ادامنىڭ التاۋى تەكسەرىلگەننەن كەيىن ۇيىنە قايتارىلدى.  ەكى ادام قالالىق ورتالىق كلينيكالىق اۋرۋحاناعا، ءبىر ادام قالالىق جەدەل شۇعىل كومەك كورسەتۋ اۋرۋحاناسىنا، تاعى ءبىر ادام 7ء-شى قالالىق كلينيكالىق اۋرۋحاناعا جاتقىزىلدى. زارداپ شەككەندەردىڭ نەگىزىنەن اياق-قولدارى سىنعان جانە ولار جابىق تۇردەگى باس سۇيەگى زاقىمدانعان. ەكى ادامعا وتا، ءبىر ادامنىڭ جاراقاتىنا العاشقى حيميالىق ەم-دوم جاسالدى، - دەيدى الماتى قالالىق دەنساۋلىق ساقتاۋ باسقارماسىنىڭ باس حيرۋرگى نۇرجان يسابەكوۆ.

زارداپ شەككەندەردىڭ ەڭ جاسى 14-تە بولسا، تاعى ءبىرى جۇكتى ايەل ەكەندىگى انىقتالدى. ايەلدىڭ ميى شايقالىپ، دەنەسىنىڭ تەرىسى كوگەرگەن. وعان تەز ارادا ىشىنە ۋلترادىبىستىق زەرتتەۋ شاراسى جۇرگىزىلگەن. 

ال جولايرىقتا قابىرعاعا سوعىسقان №92 باعىتتاعى اۆتوبۋس جۇرگىزۋشىسىنىڭ ءۇش ساۋساعى كەسىپ الىنعان.

ەستەرىڭىزگە سالا كەتەيىك، الماتىدا اۆتوبۋستىڭ قاتىسۋىمەن ءىرى جول اپاتى بولىپ، رەيس اۆتوبۋسى جولايرىقتا قابىرعاعا سوعىسقان بولاتىن.