شەتەلدەگى كوتتەدجدەرى مەن پاتەرلەرىن زاڭداستىرعانداردىڭ سانى 6 ايدىڭ ىشىندە 2 ەسەدەي ارتقان. جاپپاي جاريالاۋ اكسياسى اياقتالار ساتتە قازاقستاندىقتار بەلسەندىلىك تانىتىپ، زاڭداستىرىلعان مۇلىك پەن قارجىنىڭ جالپى سوماسى 2 تريلليون تەڭگەگە جەتىپ وتىر، - دەپ حابارلايدى Qamshy.kz 31 ارناعا سىلتەمە جاساپ.

زاڭداستىرۋعا باس-اياعى 100 مىڭنان استام ءوتىنىش تۇسكەن. ونىڭ دەنى وسى جىل باسىنان بەرى تىركەلىپتى. ۇكىمەت وكىلدەرى مۇنداي بەلسەندىلىكتى راقىمشىلىق شاراسىمەن بايلانىستىرىپ وتىر. ونىڭ ۇستىنە، بيىلعى اكسيادا ۇلگەرمەي قالعان ازاماتتاردىڭ مۇلكى نەمەسە قارجىسى انىقتالسا اكىمشىلىك جانە قىلمىستىق جاۋاپكەرشىلىككە تارتىلۋى مۇمكىندىگى دە اسەر ەتسە كەرەك. مينيسترلىك ماماندارى بۇعان دەيىنگى ەسەپتەرىندە بىرنەشە ەلدەگى باسپانالاردىڭ زاڭداستىرىلعانىن ايتقان ەدى. بۇل تىزىمدە دۋباي سىندى ءىرى قالالار دا بار. ساراپشىلار بىرىككەن اراب امىرلىكتەرىندەگى بۇل شاحارداعى پاتەرلەر 100 ميلليون، ال ۆيللالار 200 ميلليون دوللارعا باعالانادى دەيدى.

-  ەگەر بۇرىن 8 ەلدە عانا 33 وبەكت كورسەتىلسە، بۇگىنگى تاڭدا 16 ەلدە 100 وبەكت كورسەتىلىپ وتىر. سانى ۇلعايدى، - دەيدى ق ر قارجى مينيسترلىگى مەملەكەتتىك كىرىستەر كوميتەتىنىڭ دەپارتامەنت ديرەكتورى ەرجان ءبىرجانوۆ.