تۇرىكمەنستان شەكارادا قاۋىپسىزدىك شارالارىن كۇشەيتتى. قازاقستاندىق ازاماتتار ەلگە كىرە المايدى، - دەپ حابارلايدى Qamshy.kz Tengrinews.kz - كە سىلتەمە جاساپ.
بۇل تۋرالى قازاقستاننىڭ ماڭعىستاۋ وبلىسى مەملەكەتتىك كىرىستەر دەپارتامەنتى حابار تاراتقان.
"تۇرىكمەنستان شەكاراسىندا قاۋىپسىزدىك شارالارى كۇشەيتىلىپ، 4-8 تامىز ارالىعىندا رەسپۋبليكاعا وڭايلاتىلعان تارتىپپەن كىرەتىن شەتەلدىك ازاماتتار ۋاقىتشا ەلگە كىرە المايدى"، - دەپ حابارلادى ۆەدومستۆوداعىلار.
دەپارتامەنتتەگىلەردىڭ ايتۋىنشا، وسىعان دەيىن جاسالعان كەلىسىمشارتتارعا سايكەس، ماڭعىستاۋ وبلىسىندا تۇراتىن قازاقستاندىقتار تۇرىكمەنستانداعى بالقان ءۋالاياتى اۋماعىنا بەس تاۋلىك ۋاقىتتا دەيىن ۆيزاسىز كىرە الادى.
"وڭايلاتىلعان ءتارتىپ بويىنشا ەلگە كىرەتىن قازاقستاندىق ازاماتتار تۇرىكمەنستان اۋماعىنا كىرىپ-شىعۋ ءۇشىن سول جەردەگى وتكىزەتىن پۋنكتتەر ارقىلى كىرۋى ءتيىس. قازىرگى ۋاقىتتا قازاقستان-تۇرىكمەنستان شەكاراسىندا "تەمىر-بابا" پۋنكتى جۇمىس ىستەيدى. سونىمەن قاتار، وندا "بولاشاق" تەمىر جول كەدەندىك پوست تا جۇمىس ىستەپ جاتىر"، - دەلىنگەن حابارلامادا.
