الماتىدا جولاقى 80 تەڭگەدەن 150 تەڭگەگە دەيىن قىمباتتاۋى مۇمكىن. بۇل تۋرالى الماتى اكىمدىگى جانىندا وتكەن باسپا ءسوز ءماسليحاتىندا الماتى قالالىق اۆتوكولىك جولدارى جانە جولاۋشىلار كولىگى باسقارماسىنىڭ باستىعى ماقسۇت يساحوۆ مالىمدەدى، - دەپ حابارلايدى Qamshy.kz.

ء-قازىر «وڭاي» كارتاسى ارقىلى 80 تەڭگە تولەنەدى. ال ءبىر رەتتىك تالوننىڭ باعاسى، قالالىق ءماسليحاتتىڭ شەشىمىنە قاراي، الداعى ۋاقىتتا 100، 120، ءتىپتى 150 تەڭگە دە بولىپ كەتۋى مۇمكىن. وسىلايشا، ءبىز تۇرعىنداردى سوڭعى تولەم جۇيەسىن قولدانۋعا ىنتالاندىرماقپىز، — دەگەن ماقسۇت يساحوۆ ءبىر رەتتىك جولاقىنى قىمباتتاتۋ ماسەلەسى قالالىق ءماسليحاتتا تالقىلانعانىن ايتتى.

جول اقىسىنا قاتىستى وزگەرىستەر ءتيىستى زاڭناماعا اعىمداعى جىلدىڭ سوڭىنا دەيىن ەنگىزىلەدى. ءقازىر بۇل زاڭ جوباسى پارلامەنتتىڭ قاراۋىندا جاتىر.

سونداي-اق، باسقارما باسشىسى «وڭاي» كارتاسى ارقىلى تولەنەتىن جول اقىعا قاتىسى جوق ەكەنىن ەسكەرتتى.