شقو-دا «قازاقستاننىڭ ۇزدىك تاۋارى – 2016» بايقاۋىنىڭ ايماقتىق كەزەڭى ءوتىپ، جەڭىمپازدار انىقتالدى. 60-قا جۋىق كاسىپورىن قاتىسقان بايقاۋدىڭ جۇلدەگەرلەرى ەندى رەسپۋبليكالىق كەزەڭدە وبلىس اتىنان قاتىسپاق، - دەپ حابارلايدى Qamshy.kz.

ايتا كەتسەك، اتالعان شاراعا اعىمداعى جىلى اشىلىپ، كاسىبىن ەندى عانا دوڭگەلەتىپ ۇلگەرگەن ءبىرقاتار كاسىپورىندار قاتىستى. كورمەگە قويىلعان ونىمدەر اراسىنان ازىق-تۇلىك، شارۋاشىلىق پەن وندىرىستىك ونىمدەردى كەزدەستىرۋگە بولادى.

«وتكىزىلىپ وتىرعانى شارانىڭ نەگىزگى ماقساتى، وتاندىق ءونىمدى قولداي وتىرىپ، كاسىپكەرلەردىڭ بەدەلىن ارتتىرۋ بولىپ تابىلادى. قازىرگى كۇننىڭ وزىندە شىعىس قازاقستاندا وندىرىلەتىن، سونىڭ ىشىندە اۋىل شارۋاشىلىق سالاسىنىڭ ونىمدەرىنىڭ ساپاسى جوعارى، سۇرانىسقا يە. وسىلايشا باسەكەلەستىككە قابىلەتتىلىگىمىزدى ارتتىرىپ، تۇتىنۋشىلارعا تابيعي ءونىم ۇسىنىپ وتىرمىز»، – دەدى شقو كاسىپكەرلەر پالاتاسىنىڭ ديرەكتورى يگور شاسكيي.

ساراپشىلاردىڭ قورىتىندىسى بويىنشا، ءۇشىنشى ورىندى مەديسينالىق قۇرال-جابدىقتاردى جاساۋمەن اينالىساتىن «تەررا ۆيتا» ج ش س يەلەندى. ال ەكىنشى ورىن «ماسلا ي سمازكا كازاحستانا» جشس-نا بۇيىردى.

ال، بايقاۋدىڭ باس جۇلدەسىن «Adekom PromMash» ج ش س يەلەندى. اتالعان كاسىپورىن سىعىلعان اۋاعا ارنالعان قۇرالداردى جاساۋمەن اينالىسادى. بۇگىندەگى الەمدىك قارجىلىق داعدارىسقا قاراماستان، ءوندىرىسى وشاعىنىڭ كاسىبى ورگە دومالاپ كەلەدى.   

ايماقتىق كەزەڭدە جەڭىسكە جەتكەن كاسىپورىندار رەسپۋبليكالىق بايداۋدا وبلىس اتىنان قاتىسپاق