مارقۇم تۇمانباي اعامىزدىڭ «وكتيابر – جۇرەگىمنىڭ مەرەكەسى» دەگەن جاقسى ءبىر پوەماسى بار ەدى. ومىرىمدە ءبىرىنشى رەت «وليمپيادا – جۇرەگىمنىڭ مەرەكەسى» دەپ شاتتانا الماي، جانكۇيەرلىك شابىتىم وت الماي، جۇرەگىم سۇپ-سۋىق كۇيى قالىپتى عانا سوعىپ تۇر.
شەتەلدىك سپورتشىلار مەن جانكۇيەرلەردى ريو اۋەجايىندا پوليسەيلەر مەن ءورت سوندىرۋشىلەر «توزاققا قوش كەلدىڭدەر!» دەگەن پلاكاتتارمەن قارسى الدى. جالاقى الا الماي قينالىپ، جاپپاي ەرەۋىلگە شىققان بەيشارالاردىڭ قولدارىنداعى جانە ءبىر پلاكاتتا: «قاۋىپسىزدىكتەرىڭىزگە كەپىل بەرە المايمىز» دەپ جازىلعان.
وليمپيادا الاۋى ريونىڭ كەدەي اۋداندارىن اينالىپ، جىلتىر مارشرۋتپەن ءجۇرىپ ءوتتى. جول جونەكەي الاۋ ۇستاعاندار سۇرىنىپ-جىعىلۋمەن بولدى. ول از بولسا جەمقورلىققا نارازى دەمونسترانتتاردىڭ شابۋىلىنا ۇشىراپ جاتتى.
كەيبىر باتىستىڭ ماماندارى ءوز ەلدەرىنىڭ سپورتشىلارىن سۋ جارىستارى كەزىندە بارىنشا اباي بولۋعا، ريونىڭ بارلىق باسسەيندەرى مەن سۋ كانالدارى كادىمگى كاناليزاسيا قالدىقتارىنان تولىق تازارماعانىن، جاعاجايلارىنداعى مۇحيت سۋىنىڭ الەمدەگى ەڭ لاس سۋ ەكەنىن اشىق ەسكەرتتى.
وليمپياداعا ساناۋلى اي قالعاندا ەل ساياسي-ەكونوميكالىق داعدارىسقا ۇرىنىپ، پارلامەنتى پرەزيدەنتىنە يمپيچمەنت جاريالادى. ءبىر ءتۇرلى. تويعا شاقىرعان ۇيدە «سۆەت» ءوشىپ قالعانداي اسەر تۋىپ تۇر. قۇداي ارتىن قايىرلى قىلسىن.
عالىم بوقاشتىڭ فەيسبۋكتەگى پاراقشاسىنان الىندى
