بۇگىن، 5 تامىز كۇنى ەكى جاقتى كەلىسسوزدەر ناتيجەسى بويىنشا وتكىزىلگەن باسپا ءسوز كونفەرەنسياسىندا تۇرىك جۋرناليستەرىنىڭ ساۋالىنا وراي ەلباسى نۇرسۇلتان نازاربايەۆ قازاقستانداعى تۇرىك ليسەيلەرىنىڭ جۇمىسىن قازاقستان مەن تۇركيا ءبىلىم بەرۋ مينيسترلىكتەرى ماماندارىنان قۇرىلعان بىرلەسكەن جۇمىس توبى تەكسەرەتىنىن مالىمدەدى. كتل – 100 پايىز قازاقستان مەنشىگىندەگى مەكتەپتەر. سوعان قاراماستان بۇل مەكتەپتەردى تۇركيانىڭ تەكسەرۋىنە جول بولسىن؟!
ق ر پرەزيدەنتى تۇرىك ارىپتەسىنىڭ كوڭىلىن قالدىرعىسى كەلمەگەن بولۋ كەرەك. ءبىراق، مۇنداي ارەكەت ەكىنشى ءبىر مەملەكەتتىڭ ىشكى ىسىنە قول سۇعۋ بولىپ تابىلادى. ءوز باسىما مۇلدە ۇناعان جوق. بۇل نە سوندا؟ قازاقستانداعى تۇرىك مەكتەپتەرىن ەردوعان تەكسەرسە، ورىس مەكتەپتەرىن پۋتين تەكسەرسە، وزبەك مەكتەپتەرىن ي.كارىموۆ تەكسەرسە، ۇيعىر مەكتەپتەرىن سي سزينپين تەكسەرسە، ءبىزدىڭ ەلىمىزدىڭ تاۋەلسىزدىگى قايدا قالادى؟
ەرتەڭگى كۇنى ەردوعان وزىنە ۇنامايتىن بىردەمە تاۋىپ الىپ ءبىزدىڭ مەكتەپتەردىڭ باعدارلاماسىن وزگەرت دەسە نەمەسە انا ءمۇعالىمدى جۇمىستان شىعار دەسە نە دەيمىز؟ ءسوز جوق، ءبىز تۇركيانى جاقسى كورەمىز. ءبىراق، ءوز ەلىندەگى بىلىقتارىن بىلاي قويعاندا ەردوعاننىڭ جۇگەنسىزدىگى تۋىسقان ەلدەردىڭ قارىم-قاتىناسىنا ويىسىپ بارا جاتقانى ويلانتادى.
مارات توقاشبايەۆتىڭ فەيسبۋكتەگى پاراقشاسىنان الىندى
