5-6 تامىزعا قاراعان ءتۇنى تولاسسىز جاڭبىردىڭ سالدارىنان سەمەي قالاسىنىڭ 5 كوشەسى سۋ استىندا قالعان. دەگەنمەن، ءقازىردىڭ وزىندە بىرنەشە سۋ سورۋشى تەحنيكا جۇمىلدىرىلىپ، سۋدىڭ دەڭگەيى ءتۇسىپ كەلەدى، - دەپ حابارلايدى Qamshy.kz.
توتەنشە جاعدايدىڭ الدىن-الۋ ءۇشىن جەدەل تۇردە 11 اۆتوكولىك، 2 سۋ سورۋ قۇرالى مەن كوممۋنالدىلىق مەكەمە قىزمەتكەرلەرى جۇمىلدىرىلىپ، ازعانا ۋاقىتتا 1 500 كۋب/م سۋ شىعارىلدى. قالا اكىمى ەرماك ساليموۆ وقيعا ورنىنا جەدەل شىعىپ، جۇرگىزىلىپ جاتقان جۇمىستاردى ءوز قاداعالاۋىنا العان.
ازىرگە كولىكتەرگە زاقىم كەلتىرمەۋ ماقساتىندا، ءبىرقاتار كوشەلەرى جابىلدى. سەمەي قالاسىنىڭ باسشىلىعى مالىمدەگەندەي، 6 تامىز كۇنى ساعات 15:00-گە دەيىن قالا كوشەلەرى تولىقتاي سۋدان تازارتىلماق.
