ەل تاۋەلسىزدىگىنىڭ 25 جىلدىعىنا وراي ءحححى جازعى وليمپيادا ويىندارىنا قاتىسۋشى قازاقستاندىق سپورتشىلاردى قولداۋعا ارنالعان مارافونعا 200-گە جۋىق ادام قاتىستى. شارا بارىسىندا ءاربىر قاتىسۋشى بيىكتىگى 522 مەتر بولاتىن «قازاقستان» تاۋىنا جۇگىرىپ شىعىپ، وليمپياداشىلارعا ءوزىنىڭ قولداۋىن ءبىلدىردى، - دەپ حابارلايدى Qamshy.kz.

مارافونعا ەڭبەكتەگەن بالادان، ەڭكەيگەن قارتقا دەيىن قاتىستى. دالىرەك ايتساق، ءبىر جاستاعى ءسابي ەڭ كىشكەنتاي قاتىسۋشىسى رەتىندە انىقتالدى. سونداي-اق، شاھاردىڭ بەلسەندى جاستارىمەن قاتار، سپورت ارداگەرلەرى دە قالىس قالمادى.  

اتالعان شاراعا بەلگىلى پاۆلودارلىق اۋەسقوي ۆەلوشاباندوز ءومىرجان وشانوۆ تا قاتىستى. جۋىردا پاۆلودار قالاسىنان ساياحاتىن باستاعان ۆەلوشاباندوز وسكەمەن قالاسى ارقىلى موڭعوليا، رەسەي جانە جۇڭگو ەلدەرىنە ساپار شەكپەكشى. ءوزىنىڭ بۇل ساپارىن ول تاۋەلسىزدىكتىڭ 25 جىلدىعىنا ارناپ وتىر.

ايتا كەتسەك، ريودا ءوتىپ جاتقان وليمپيادا ويىندارىندا 26 سپورت تۇرىنەن ەل نامىسىن قورعايتىن 104 سپورتشىنىڭ 6-ۋى شىعىس قازاقستان وبلىسىنان قاتىسىپ وتىر.