قازاقستاندىق لينگۆيست-عالىمدار اعىلشىن ءتىلىن 1 سىنىپتان باستاپ وقىپ كەلە جاتقان تاجىريبەلى مەكتەپتەردىڭ وقۋشىلارى اراسىندا كەشەندى زەرتتەۋ جۇرگىزۋدى ۇسىنىپ وتىر، - دەپ حابارلايدى Qamshy.kz 24.kz - كە سىلتەمە جاساپ.

بۇل تۋرالى الماتىداعى عىلىم ورداسىندا وتكەن جيىندا ايتىلدى. لينگۆيست-عالىمداردىڭ پىكىرى ەكى ماسەلەگە كەلگەندە قاق جارىلدى. بالاعا شەت ءتىلىن نەشىنشى سىنىپتان باستاپ ۇيرەتۋ كەرەك، جاراتىلىستانۋ پاندەرىن جوعارى سىنىپتاردا اعىلشىن تىلىندە وقىتۋ قانشالىقتى پايدالى دەگەن تاقىرىپتار قىزۋ پىكىرتالاس تۋدىردى. «سوندىقتان، ەرتە جاستان شەت ءتىلىن وقىپ كەلە جاتقان بالالاردى كەشەندى زەرتتەۋ جۇرگىزسەك، كوپ سۇراققا جاۋاپ الار ەدىك»، - دەيدى ماماندار.

- سولاردىڭ تىلىنە، تانىمدىق دۇنيەسىنە، پسيحولوگياسىنا زەرتتەۋ جاساپ كورەيىك دەگەن ۇسىنىس كوپ ءتۇسىپ جاتىر. بۇل زەرتتەۋ كەشەندى بولۋى كەرەك دەگەن ۇسىنىس تا كوپتەۋ بولدى. ول زەرتتەۋدىڭ ناتيجەلەرى بۇل ساياساتتى ارى قاراي ءتيىمدى تۇردە جۇزەگە اسىرۋعا ۇلكەن سەپتىگىن تيگىزەدى، - دەيدى ا.بايتۇرسىن ۇلى اتىنداعى ءتىل ءبىلىمى ينستيتۋتى ديرەكتورىنىڭ ورىنباسارى انار فازىلجانوۆا.