كۇنى كەشە ريو وليمپياداسىندا قولا جۇلدەگەر بولعان قازاقستاندىق اۋىر اتلەت فارحات حاركيدى پرەمەر-مينيستر كارىم ءماسىموۆ قۇتتىقتادى، - دەپ حابارلايدى Qamshy.kz.
"ءبىزدىڭ اۋىر اتلەت فارحاد حاركيدى #Rio2016 وليمپيادالىق ويىندارىنداعى قولا مەدالىمەن قۇتتىقتايمىن. #كاZ، العا!" دەپ جازدى ءماسىموۆ تۆيتتەر پاراقشاسىندا.
ايتا كەتەيىك، فارحاد الدىمەن 135 كەلىنى كوتەردى. ودان سوڭ ەكى مارتە 140 كەلىگە ەكى رەت تاپسىرىس بەردى. ءبىراق باعىندىرا المادى. ناتيجەسىندە 135 كەلىمەن جۇلقا كوتەرۋ سايىسىن ءۇشىنشى بولىپ اياقتاپ، كىشى قولا جۇلدەگە يە بولدى.
ال سەرپە كوتەرۋدە جەرلەسىمىز 170 كەلىنى كوتەرىپ، قوس سايىستىڭ قورىتىندىسى بويىنشا 305 كەلىمەن قولا جۇلدەگەر اتاندى.
