قازاقستان پرەزيدەنتى پاكىستان يسلام رەسپۋبليكاسىنىڭ پرەزيدەنتى مامنۋن حۋسەينگە كۆەتتا قالاسىندا بولعان تەررورلىق اكتىگە بايلانىستى كوڭىل ايتۋ جەدەلحاتىن جولدادى، - دەپ حابارلايدى Qamshy.kz اقوردانىڭ باسپا ءسوز قىزمەتىنە سىلتەمە جاساپ.
«قازاقستان جاھاندىق قاۋىپسىزدىككە قاتەر توندىرەتىن حالىقارالىق ەكسترەميزم مەن تەرروريزمنىڭ ارەكەتتەرىن قاتاڭ ايىپتايدى. الەمدىك قاۋىمداستىقتىڭ وسى قاۋىپ-قاتەردىڭ تارالۋىنا قارسى كۇرەستەگى كۇش-جىگەرىن تولىق قولدايمىز»، – دەلىنگەن جەدەلحاتتا.
نۇرسۇلتان نازاربايەۆ قايعىعا ورتاقتاسا وتىرىپ، قازاقستان حالقىنىڭ جانە جەكە ءوزىنىڭ اتىنان قازا بولعانداردىڭ وتباسىلارىنا جانە جاقىندارىنا، سونداي-اق بارشا دوستاس پاكىستان حالقىنا كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
