«ءبىرىڭعاي جيناقتاۋشى زەينەتاقى قورىنان» تارتىلعان 15 ملرد تەڭگەنى «قازاقستاننىڭ دامۋ بانكى» «ەكسپو-2017» اۋماعىنداعى نىساندار قۇرىلىسىنا جۇمسايدى، - دەپ حابارلايدى Qamshy.kz «استانا» ارناسىنا سىلتەمە جاساپ.

اقپاراتتا «قازاقستاننىڭ دامۋ بانكى» كاSە قورىنا وبليگاسيالار ورنالاستىرۋ ارقىلى شىلدە-تامىز ايلارىندا «ءبىرتۇتاس جيناقتاۋشى زەينەتاقى قورى» اق-نان 117،5 ملرد تەڭگە الدى. ونىڭ 15 ميللياردى استانادا «ەكسپو-2017» نىساندارى قۇرىلىسىنا، 17،5 ملرد تەڭگە وتاندىق ءوندىرىستى «قازاقستان دامۋ بانكى-ليزينگ» اق ارقىلى ليزينگتىك قارجىلاندىرۋعا جۇمسالادى. قالعان قارجى 2016-17 جىلدارى ەكونوميكالىق ءوسىمدى ىنتالاندىرۋ مەن حالىقتى جۇمىسپەن قامتۋ جونىندەگى ءىس-شارالار جوسپارىن ىسكە اسىرۋعا جەكە كاسىپكەرلىك نىساندارىن قارجىلاندىرۋعا جۇمسالماق»، - دەلىنگەن. 

ال، «استانا-ەكسپو-2017» كومپانياسىنىڭ وكىلى زەينەتاقى قورىنىڭ قارجىسى تارتىلاتىن نىساندار كورمە پاۆيلوندارى ەمەستىگىن ايتادى. سونداي-اق بۇل نىساندار 174 گا اۋماقتىڭ نەبارى 25 گەكتارىن عانا الىپ جاتىر ەكەن. ياعني قارجى حالىقارالىق كورمە كەشەنى اۋماعىنداعى وزگە عيماراتتار قۇرىلىسىنا جۇمسالماق. 

سەرگەي كۋيانوۆ، «ەكسپو-2017» ۇك  بۇقارامەن بايلانىس دەپارتامەنتىنىڭ ديرەكتورى:

- بۇل تۇرعىن ۇيلەر -  «مەگا» ساۋدا ويىن-ساۋىق ورتالىعى جانە باسقا دا ءبىرقاتار نىساندار. ەكسپو اۋماعىندا ورنالاسقانىمەن، ولار ينۆەستيسيالىق نىساندار بولىپ تابىلادى. ءبىزدىڭ كومپانياعا قاتىسى جوق. بۇل اقشانى كومپانياعا ينۆەستورلار سالدى. 

زەينەتاقى قورىنىڭ قارجىسىن «قازاقستاننىڭ دامۋ بانكى» قاشان جانە قانداي وسىممەن قايتارادى؟ وعان قوسا قاراجات قاي كومپانيالارعا قانشا پايىزبەن قارىزعا بەرىلەدى؟ وسى سۇراقتارعا جاۋاپ الۋعا بانككە حابارلاستىق. قارجى ۇيىمىنىڭ باسپا ءسوز قىزمەتى جاقىندا  تولىق مالىمەت بەرىلەدى دەپ سەندىردى.