جاقىن ارادا «ارا» جۋرنالىنىڭ جۇمىسى جاندانادى.  «نۇر وتان» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك «ايقىن» گازەتىنە بەرگەن سۇحباتىندا وسىلاي دەدى.

   «ەستەرىڭىزدە بولسا، سوناۋ 50ء-شى جىلدارى اشىلعان بۇل جۋرنال بەرتىنگە دەيىنگى ارالىقتا قوعام مۇددەسىنە قايشى، ونىڭ ىشىندە جەمقورلىقتى، جەڭ ۇشىنان جالعاسۋ ءۇردىسىن، رۋعا ءبولىنۋدى، جەرشىلدىكتى جانە سول سياقتى كەسەلدى قىلىقتاردى اياۋسىز سىنعا الىپ، ءاجۋالاي بىلگەن باسىلىم»، - دەپ اتاپ ءوتتى ب.بايبەك. سونداي-اق، ول العاشىندا «ارانىڭ» «ايقىن» گازەتىنە قوسىمشا رەتىندە ايىنا ءبىر رەت شىعارىلماق بولعانىن دا جەتكىزدى. «وسى جوبا بويىنشا ۇسىنىس جاساعان كوپەن امىربەك اعامىزدى قولدادىق. ياعني، بۇل ىسكە اتسالىسۋعا «كوپەن دە كەلە جاتىر» - دەپ تۇيىندەدى پارتيا ءتوراعاسىنىڭ ءبىرىنشى ورىنباسارى. ايتا كەتەيىك، سۇحبات بارىسىندا ساياساتكەر پارتيانىڭ سىبايلاس جەمقورلىققا قارسى جاڭا باعدارلاما ازىرلەپ جاتقانىن دا كەڭىنەن اڭگىمەلەدى.