وتكەن اپتادا مىسىر استاناسى كاير قالاسىنداعى جۇما مەشىتىنە ناماز وقۋعا كەلگەن ءال-ازحار عۇلامالار كەڭەسىنىڭ مۇشەسى، بۇرىنعى ءمۇفتي، دوكتور ءالي جۇماعا قاستاندىق جاسالدى،- دەپ حابارلايدى Qamshy.kz muslim.kz – كە سىلتەمە جاساپ.

جۇما نامازىنا كەلگەن عۇلاماعا موتوسيكلگە مىنگەن بەلگىسىز بىرەۋلەر اۆتوماتتان وق جاۋدىرعان. قۇداي وڭداعاندا، قاسكۇنەمدەردىڭ جاۋدىرعان وعى ءالي جۇماعا ەش دارىماعان. تەك اتاقتى عالىمدى سۇيەمەلدەپ كەلە جاتقانداردىڭ بىرەۋىنىڭ اياعىنا ءتيىپ جارالاعان.

ءبىر اجالدان امان قالعان عالىم اللاعا شۇكىرلىك ءبىلدىرىپ، بولعان وقيعانىڭ قاسيەتتى جۇما نامازىنىڭ وتۋىنە ەش كەدەرگى كەلتىرمەگەنىن ايتتى. «اللاعا شۇكىر، بۇل وقيعا جۇما نامازىن وقىپ شىعۋىمىزعا ەش كەدەرگى كەلتىرمەدى. ۋاعىز ايتتىق، نامازىمىزدى وقىدىق. بۇل ءبىزدىڭ جولىمىزدىڭ اقىتىعىن كورسەتپەي مە؟!» – دەگەن ەكەن ول.