وليمپيادا ويىندارىندا جۋرناليستەر وتىرعان اۆتوبۋسقا جاسالعان شابۋىلدان ەكى ادام زارداپ شەكتى، - دەپ حابارلايدى Qamshy.kz kazsport.kaztrk.kz - كە سىلتەمە جاساپ.
جولاۋشىلاردىڭ ءبىرىنىڭ ايتۋىنشا، دەودورو وليمپيادا كلاستەرىنەن باس باسپا ءسوز ورتالىعىنا باعىت العان جۋرناليستەر وتىرعان اۆتوبۋس وق استىندا قالدى.
ناتيجەسىندە وقيعا سالدارىنان تۇركيادان كەلگەن ەرىكتى مەن بەلورۋس ەلىنىڭ ءجۋرناليستى زارداپ شەكتى، ولار شاعىن جاراقات الدى.
كۋاگەرلەردىڭ ايتۋىنشا، شابۋىلدان شىققان دىبىستار قارۋ داۋسىنا ۇقساس بولعان. الايدا پوليسيا مالىمەتىنە سايكەس، اۆتوبۋسقا تاس لاقتىرىلعان سونىڭ سالدارىنان تەرەزەلەر سىنعان. وليمپيادا ويىندارىنىڭ ۇيىمداستىرۋشى كوميتەتى تەرگەۋ جۇمىستارىن باستاعانىن مالىمدەدى.
