اقمولا وبلىستىق قۇقىق قورعاۋ ورگاندارى ءوزىنىڭ ەشقانداي وقۋعا تۇسە المايتىنىن بىلگەن 17 جاسار وقۋشىنىڭ وز-وزىنە قول جۇمساپ قايتىس بولعانىن مالىمدەدى، - دەپ حابارلايدى Qamshy.kz BAQ.kz - كە سىلتەمە جاساپ.

حابارلامادا 8 تامىز كۇنى اقمولا وبلىسى ستەپنياك قالاسىنىڭ جەدەل جاردەم قىزمەتىنە ەڭبەكشىلەر اۋدانىنىڭ كەزەكشى بولىمىنەن 11-سىنىپ وقۋشىسىنىڭ وز-وزىنە قول جۇمساعانى تۋرالى اقپارات كەلگەنى ايتىلادى.

1999 جىلى دۇنيەگە كەلگەن ءجاسوسپىرىم ءوز ءۇيىنىڭ شاتىرىندا اسىلىپ قالعان. وقىس وقيعانىڭ نەدەن بولعانىن، ءجاسوسپىرىمنىڭ نە سەبەپتى مۇنداي ارەكەتكە بارعانىن تەكسەرگەن قۇقىق قورعاۋ ورىندارى وقۋشىنىڭ ولەر الدىندا اناسىنا قالدىرعان حاتىن تاپتى.

وندا: «انا، كەشىر مەنى. مەن سەندەردى ۇياتقا قالدىرعىم كەلمەيدى. مەن ەشقانداي وقۋ ورنىنا تۇسە المايمىن»،-دەپ جازىلعان.

اتا-اناسىن ۇياتقا قالدىرعىسى كەلگەن وقۋشىنىڭ نامىسى، وكىنىشكە قاراي، اتا-اناسىن ورنى تولماس قايعىعا قالدىرارىن جاس جەتكىنشەك باعامداي الماعان سەكىلدى. وقۋعا تۇسە الماعانى ءۇشىن وز-وزىنە قول جۇمساۋ – ەڭ وڭاي جول ەمەس ەكەنىن ايتقىمىز كەلەدى. ارينە، كىمنىڭ بولسا دا تەڭ قۇربىسىنان قالماي قالاعان وقۋىنا ءتۇسىپ كەتكەنى بارلىعى ءۇشىن قۋانىش. دەگەنمەن وقۋدان دا ماڭىزدى قۇندىلىقتار بارىن ۇمىتپاعان ابزال.