ق ر ءبىلىم جانە عىلىم مينيسترلىگى ەلىمىزدەگى مەكتەپتەردىڭ ءۇشتىلدى ءبىلىم بەرۋ جۇيەسىنە 2019 جىلدان باستاپ وتەتىنىن مالىمدەدى، - دەپ حابارلايدى Qamshy.kz SkifNews.kz - كە سىلتەمە جاساپ.

بۇعان دەيىن ۇلكەن داۋعا ۇلاسقان وسىناۋ رەفورمانى 2016 جىلدىڭ قىركۇيەگىنەن باستاپ نەمەسە 2023 جىلى ەنگىزەدى دەگەن الىپقاشپا اڭگىمە ەل ىشىندە جەلدەي گۋلەگەن بولاتىن.

الىپقاشپا اڭگىمەنىڭ ورشۋىنە سەبەپ بولعان مينيستر ەرلان ساعادييەۆتىڭ ءوزى ەدى. الماتىداعى جيىنداردىڭ بىرىندە ول 2016 جىلدىڭ 1 قىركۇيەگىنەن باستاپ ەلدەگى ورتا وقۋ ورىندارى ءۇش تىلدە ءبىلىم بەرەتىنىن سۇيىنشىلەپ جەتكىزدى. الايدا، ونىڭ بۇل باستاماسىن قولداۋشىلاردان قاراعاندا قارسى شىققانداردىڭ سانى الدەقايدا كوپ بولدى. عالىمدار، قوعام بەلسەندىلەرى، ءتىپتى مۇعالىمدەردىڭ وزدەرى دە ساعادييەۆتىڭ رەفورماسى قازاقستان بولاشاعى ءۇشىن ۇلكەن ءقاۋىپ توندىرەتىنىن مالىمدەپ وتىر. كەيىن، حالىق تىنىشتالسىن دەدى مە، 2016 جىل 2023-كە قاراي جىلجىدى.

ەندى مينيسترلىك ۇشتىلدىلىك رەفورماسىن 2019 جىلدان باستاعاندى ءجون كورىپ وتىر. كەشە ۆەدومستۆونىڭ فەيسبۋكتەگى رەسمي پاراقشاسىندا مىناداي انىقتاما-بروشيۋرالار پايدا بولدى. ياعني، وزگەشەلىك الدىمەن تەك 10-11 سىنىپ وقۋشىلارىن قامتىسا، وزگە سىنىپتاردىڭ تاعدىرى ازىرگە ايتىلماي وتىر