بۇگىن الماتى قالاسىنىڭ جەتىسۋ اۋداندىق 2-سوتىندا "باراحولكاداعى" "ولجا" بازارىندا 2013 جىلى كۇزدە بولعان ورتكە قاتىستى سوت ۇكىمى شىقتى. ازاتتىق ءتىلشىسىنىڭ حابارلاۋىنشا، سۋديا گۇلنارا مۇسىرەپوۆا "ولجا" بازارىن جالعا الۋشى جانات قايرانوۆتى "وتپەن ابايسىز جۇمىس iستەۋ سالدارىنان اۋىر زارداپتارعا اكەپ سوققان بوتەن ادامنىڭ مۇلكىن جويۋ نەمەسە ءبۇلدىرۋ" بابى بويىنشا ايىپتى دەپ تاۋىپ، ءۇش جىلعا باس بوستاندىعىن شەكتەۋگە ۇكىم شىعارعان. ال "ولجا" بازارىنىڭ ديرەكتورى مۇساعالي الدابەرگەنوۆكە "ءورت قاۋىپسىزدىگى ەرەجەسىن بۇزدى" دەگەن ايىپپەن ءتورت جىلعا باس بوستاندىعىن شەكتەۋ جازاسى تاعايىندالدى. سۋديا بۇعان قوسا كونتەينەرلەرى ورتەنگەن ساۋداگەرلەردىڭ ورتتەن كەلگەن شىعىندارىن وتەۋ تۋرالى تالاپ-ارىزىن ازاماتتىق ءتارتىپ بويىنشا قاراۋعا قالدىردى. 2013 جىلدىڭ قىركۇيەگىندە «باراحولكانىڭ» «ولجا» بازارىنان باستالعان ءورت جاپسارلاس «ايان»، «كەرەمەت» جانە «اياگوز» بازارلارىن شارپىعان. توتەنشە جاعدايلار قىزمەتىنىڭ مالىمەتىنشە، سول كۇنى 5400 شارشى مەتر ايماق وتقا ورانىپ، جارتى كۇندە ازەر سوندىرىلگەن.

ازاتتىق راديوسى