مەملەكەتتىك ءبىلىم بەرۋ گرانتتارىنىڭ سانى بويىنشا ءال-فارابي اتىنداعى قازاق ۇلتتىق ۋنيۆەرسيتەتتى ءداستۇرلى تۇردە ءبىرىنشى ورىنعا يە بولدى،- دەپ حابارلايدى Qamshy.kz.

بيىل ۇلتتىق ۋنيۆەرسيتەتتە باكالاۆرياتتا 3071 ستۋدەنت مەملەكەتتىك گرانت نەگىزىندە ءبىلىم الادى. ولاردىڭ كوبى «التىن بەلگى»، ەرەكشە اتتەستات يەگەرلەرى، حالىقارالىق جانە رەسپۋبليكالىق وليمپيادالاردىڭ جەڭىمپازدارى.

بيىلعى وقۋ جىلىندا تالاپكەرلەر ماماندىق تاڭداۋدا گۋمانيتارلىق جانە جاراتىلىستانۋ-ماتەماتيكالىق باعىتىنا باسىمدىق بەرگەن. راديوتەحنيكا، ەلەكترونيكا جانە تەلەكوممۋنيكاسيا، اقپاراتتىق جۇيەلەر، اۆتوماتتاندىرۋ جانە باسقارۋ، بيوتەحنولوگيا، اۋدارما ءىسى، حالىقارالىق قاتىناستار، زاڭ، قارجى، ەسەپ جانە اۋديت، ەكونوميكا جانە حالىقارالىق قۇقىق ماماندىقتارىنا سۇرانىس جوعارى.

حالىقارالىق جوعارى تالاپتارعا ساي زاماناۋي ءبىلىم بەرۋ باعدارلامالارى، ءبىلىم بەرۋدىڭ وزىق تەحنولوگيالارى، ينفراقۇرىلىمى دامىعان بىرەگەي ستۋدەنتتىك كامپۋس پەن بەلسەندى ستۋدەنتتىك ءومىر جاستارعا ساپالى ءبىلىم الىپ، وزدەرىنىڭ شىعارماشىلىق مۇمكىندىكترىن جۇزەگە اسىرۋعا جول اشپاق.

جوو جالپى ۇلتتىق رەيتينگىندە كوش باستاپ تۇرعان قازۇۋ قازاقستان جوو اراسىندا ءبىرىنشى بولىپ الەمنىڭ تەحنولوگيالىق دامىعان ەڭ ۇزدىك 50 جانە الەمنىڭ ەڭ ۇزدىك 300 ۋنيۆەرسيتەتىنىڭ تىزىمىنە ەندى. اتالمىش كورسەتكىش الەمدىك دەڭگەيدەگى زەرتتەۋ ۋنيۆەرسيتەتىنە اينالعالى وتىرعان وقۋ ورداسى ءۇشىن تاڭداعان باعىتىڭ دۇرىستىعىنىڭ دالەلى.

جۇمىس بەرۋشىلەردىڭ قازۇۋ تۇلەكتەرىنىڭ كاسىبيلىگىن جوعارى باعالاۋى ۇلتتىق ۋنيۆەرسيتەت ءۇشىن ەرەكشە ماقتانىش. تۇلەكتەردىڭ سۇرانىسقا يە تابىستى مامان بولۋى ۋنيۆەرسيتەت قىزمەتىنىڭ نەگىزگى كورسەتكىشى.