ريو-دە-جانەيرودا ءوتىپ جاتقان ءحححى وليمپيادا ويىندارىنىڭ بەسىنشى كۇنى قازاقستان قورجىنى قوس التىنمەن تولىقتى، - دەپ حابارلايدى Qamshy.kz. 

77 كەلىدە ەرلەر اراسىندا ونەر كورسەتكەن اۋىر اتلەتىمىز نيدجات راحيموۆ پەن  ءجۇزۋشى دميتريي بالاندين وليمپيادا چەمپيونى اتاندى.

نيدجات جۇلقا كوتەرۋ سايىسىن 165 كەلىمەن ءۇشىنشى بولىپ اياقتاعان ەدى. ال وسى سايىستا 177 كەلى زىلتەمىردى كوتەرىپ، جەرلەسىمىزدەن 12 كەلىگە اسىپ كەتكەن بولاتىن.

سپورتشىمىز سەرپە كوتەرۋدە 214 كەلىنى باسىنان اسىرىپ، ريو وليمپياداسىنىڭ التىنىنا قول جەتكىزدى. سونىمەن، قوسسايىستىڭ قورىتىندىسى بويىنشا 379 (165+214) كەلى ناتيجە كورسەتتى. 

ال ەرلەر اراسىندا 200 مەتر قاشىقتىققا جۇزۋدەن فينالدىق سايىستا قازاقستاندىق دميتريي بالاندين 2:07،46 كورسەتكىشىمەن مارەگە جەتىپ، قازاقستان قورجىنىنا ريو وليمپياداسىنىڭ ەكىنشى التىن مەدالىن سالدى. 

بالاندين ءجۇزۋ بويىنشا العاشقى قازاقستاندىق وليمپيادا چەمپيونى اتاندى.

سونداي-اق، ريو-دە-جانەيرودا ءوتىپ جاتقان ءحححى وليمپيادا ويىندارىندا جازيرا جاپپارقۇل قازاق قىزدارىنان تۇعىش بولىپ، وليمپيادا ويىندارىنىڭ كۇمىس جۇلدەگەرى اتاندى. 

سونىمەن قازاقستان قۇراماسى 2 التىن، 2  كۇمىس، 3 قولا مەدالمەن 11-ورىنعا كوتەرىلدى.