ق ر پرەزيدەنتى نۇرسۇلتان نازاربايەۆ ريو وليمپياداسىنىڭ چەمپيوندارى اۋىر اتلەتىمىز نيدجات راحيموۆ پەن ءجۇزۋشى دميتريي ءبالانديندى جەڭىستەرىمەن قۇتتىقتادى، - دەپ حابارلايدى Qamshy.kz اقوردانىڭ باسپا ءسوز قىزمەتىنە سىلتەمە جاساپ.
«قازاقستاندىقتار سەنىڭ ونەرىڭدى زور قىزىعۋشىلىقپەن جانە ۇلكەن ۇمىتپەن تاماشالادى. سەن ولاردىڭ ءۇمىتىن تولىق اقتادىڭ. جوعارى سپورتتىق شەبەرلىگىڭ، جانكەشتىلىگىڭ مەن اسقان ەرىك-جىگەرىڭ ساعان قيىن سايىستا مىقتى قارسىلاستاردى جەڭىپ شىعىپ، قازاقستاننىڭ وليمپيادالىق كومانداسىنا العاشقى التىن مەدالدى اپەرۋگە كومەكتەستى. سەنىڭ جەڭىسىڭ ەلدىڭ جاس سپورتشىلارى ءۇشىن لايىقتى ۇلگى بولارى انىق»، – دەگەن نۇرسۇلتان نازاربايەۆ نيدجات راحيموۆقا جاڭا جەڭىس پەن جەتىستىكتەر تىلەدى.
«سەنىڭ جارقىن جەڭىسىڭ قازاقستاندىقتارعا زور قۋانىش سىيلادى. داڭقتى قارسىلاستارمەن جانكەشتى جانە قيىن سايىستا جەڭىپ العان التىن مەدال – سەنىڭ جوعارى شەبەرلىگىڭنىڭ، ماقساتقا تالپىنۋىڭنىڭ، ەرىك كۇشىڭ مەن قايرات-جىگەرىڭنىڭ كورسەتكىشى. سەنىڭ تەڭدەسسىز تابىسىڭ قازاقستان سپورتىنىڭ شەجىرەسىندە ماڭگىلىك قالادى»، – دەدى ەلباسى ءجۇزۋشى دميتريي ءبالاديندى قۇتتىقتاۋىندا.
قازاقستان پرەزيدەنتى سپورتشىنىڭ كەلەشەكتە جاڭا بەلەستەردى باعىندىرۋىنا تىلەكتەستىك ءبىلدىردى.
