الماتىدا ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتى جۇمباق جاعدايدا جوعالىپ كەتتى، - دەپ حابارلايدى Qamshy.kz 31 ارناعا سىلتەمە جاساپ.
22 جاستاعى ەرىك مۇرات ۇلىنىڭ جاقىندارى، قانداي دا ءبىر مالىمەت بەرگەندەرگە ءىرى كولەمدە سىياقى ۇسىنىپ وتىر. سەبەبى، وسىدان ءبىر اي بۇرىن الماتىدان نارىنقولعا جولعا شىعىپ كەتكەن جاس جىگىتتەن ءالى ەشقانداي حابار وشار جوق.
بيىل ديپلومىن الۋى كەرەك بولعان ەرىك مۇرات ۇلى شىلدەنىڭ سەگىزى كۇنى الماتىدان تۋعان جەرى نارىنقولعا كەشكى سەگىزدەر شاماسىندا جولعا شىققانى قالانىڭ شىعابەرىسىندەگى بەينەكامەراعا ءتۇسىپ قالعان. الماتى مەن رايىمبەك اۋدانىنا دەيىنگى جولدىڭ ماڭىن شولىپ شىققان جاقىندارى، تەك دالادان كولىكتىڭ ءوزىن عانا تابادى. ال، ستۋدەنتتىڭ ودان كەيىن قايدا باعىت العانى سول كۇيى بەلگىسىز.
- 8 يۋلدە شىعىپ كەتكەن سودان جوق. ماشيناسىن تاۋىپ الدىق. ءدىني اعىمعا اۋەستىگى جوق. تەمەكى شەكپەيدى، ىشپەيدى. كۇلىپ قانا جۇرەتىن، - دەيدى ەرىكتىڭ دوسى ايبول قۇدايبەرگەن.
ۇلىنان كوز جازىپ قالعان اتا-انا ەرىكتى كورگەن-بىلگەندەردەن كومەك سۇرايدى. ءتىپتى، قانداي دا ءبىر تىڭ اقپارات بەرگەندەرگە 5 ميلليون تەڭگە سىياقى ۇسىنىپ وتىر.
- تاپقان ادام بولسا سۇراعانىن بەرەمىز، ەگەر بىرەۋ قورلىقپەن ۇستاپ وتىرسا دا جىبەرسىن، قانشا اقشا سۇراسادا بەرەمىز، - دەيدى اپكەسى ينديرا قىرعىزباي قىزى.
ەرىك مۇرات ۇلى جايلى مالىمەت بىلەتىندەر بولسا، تومەندە كورسەتىلگەن مىنا تەلەفون نومەرلەرىنە حابارلاسۋىنا بولادى: 8 701 785 33 87، 8 701 130 95 60.
