زىريان اۋدانى بۇقتىرما جاعالىق تۋريستىك ايماعىمەن قازاقستانعا كەڭىنەن تانىمال. بيىلعى جىلى ءتۋريزمدى دامىتۋعا ماقساتىندا جاڭا دەمالىس ورىندارى اشىلىپ، تۋريستىك ينفراقۇرىلىمدى جەتىلدىرۋگە نەگىزگى ەكپىن جاسالعان، - دەپ حابارلايدى Qamshy.kz  .

جاڭا بۇقتىرما اۋىلىنىڭ اكىمى جانات سولمەنبايەۆا ءمالىم ەتكەندەي، جولداردى جوندەۋگە كاسىپكەرلەر دە قولداۋ بىلدىرۋدە. وسىنىڭ ارقاسىندا بىرنەشە دەمالىس بازاسىنا اپارار جول كۇردەلى جوندەۋدەن وتكەن.

– ءتۋريزمدى دامىتۋشى نەگىزگى تەتىگى رەتىندە مەملەكەتتىك بيۋدجەتتەن 10 ملن، دەمەۋشىلەر قاراجاتىنان 54 ملن تەڭگە ءبولىنىپ، جالپى 12،5 شاقىرىم جول كۇردەلى جوندەۋدەن ءوتتى. ەندى تاعى 1،5 شاقىرىم جولدى جوندەۋ جوسپارعا الىنىپ، قاراجات بولىنۋدە، – دەدى جانات سولمەنبايەۆا.

ايتا كەتسەك، اتالعان دەمالىس بازاسىنىڭ ماڭىنان 100 ادامعا ارنالعان ءقوناقۇي سالىنۋدا. جەكە كاسىپكەردىڭ ىسىنە جاردەمدەسىپ، تۋريستەردىڭ سانىن ارتتىرۋ ماقساتىندا بۇل جەرگە دە جولدى جوندەۋ قاراستىرىلعان.

ءقازىردىڭ وزىندە بۇقتىرما سۋ قويماسىنىڭ جاعالاۋىندا 99 دەمالىس بازاسى ورنالاسقان. جەكە مەنشىك كاسىپ پەن ءتۋريزمنىڭ كوزىنە اينالعان بازالاردان وتكەن جىلدىڭ وزىندە 23779،6 مىڭ تەڭگە كولەمىندە سالىق تۇسكەن.