شۆەسياعا جوسىپ كەلگەن ميگرانتتار جەكە ۇيلەردە تۇرعىسى كەلەدى، - دەپ حابارلايدى Qamshy.kz.
بۇل تۋرالى «كومسومولسكايا پراۆدا» باسىلىمى جازادى. شۆەسيادا ميگرانتتار ۇكىمەت ارنايى بولگەن ۇيلەردە تۇرعىسى كەلمەيدى ەكەن. وسىعان بايلانىستى نوررتەلە كوممۋناسىنىڭ بيلىگى جەرگىلىكتى تۇرعىندارعا وزدەرىنىڭ جازعى ۇيلەرىن بوسقىندارعا بەرۋگە ۇسىنىس جاسادى. كوممۋنا اكىمشىلىگى بوسقىندار ارەندا اقىسىن ۋاقىتىلى تولەۋىن مۋنيسيپاليتەتتىڭ ءوزى قاداعالايدى دەپ سەندىردى.
ەستەرىڭىزگە سالايىق، بۇل ەلدە بوسقىندار بىرنەشە نارازىلىق اكسياسىن وتكىزگەن بولاتىن. 11 تامىز كۇنى ءبىر توپ بوسقىن وزدەرىنە ۇكىمەت بولگەن ۇيلەر كوڭىلىنەن شىقپاي، قارسىلىق شاراسىن وتكىزگەن. ۇكىمەت ۇسىنعان ءۇيدى كورۋگە كەلگەن بوسقىندار عيماراتتى ءبىر كورگەندە-اق ۇناتپاي، اۆتوبۋستان تۇسپەي قويعان. ولارعا بىرنەشە وتباسىعا ورتاق ءبىر باسپانانىڭ بەرىلۋى ۇنامايدى ەكەن. سونىمەن قاتار بۇل ەلدە ميگرانتتارعا ارناعان ۇيلەردىڭ قالا سىرتىندا ورنالاسۋى دا بوسقىنداردىڭ نارازىلىعىن تۋدىرعان.
