قازاقستان پرەمەرى ك. ءماسىوۆ رەسەيلىك ارىپتەسىمەن كەزدەسۋدە حان كەنەنىڭ باسى تۋرالى جاق اشپادى، - دەپ جازادى «دالا مەن قالا».

رەسەي پرەمەرى مەدۆەديەۆ قازاقستان ۇكىمەتىنىڭ باسشىسى ماسىموۆپەن كەزدەسۋدە كەيكى باتىردىڭ باسىن قايتارۋ ماسەلەسىن قاراستىراتىنىن ايتتى. 

مەدۆەديەۆپەن كەزدەسۋ بارىسىندا ءماسىموۆ 1917 جىلعى وقيعالاردى تىلگە تيەك ەتتى.

ءبىزدىڭ ءبىر ساۋالىمىز بار. سول جىلدارداعى قازاقتىڭ ۇلت-ازاتتىق قوزعالىس جەتەكشىلەرىنىڭ ءبىرى كەيكى باتىردىڭ باسسۇيەگى ۇلى پەتر اتىنداعى رەسەي عىلىم اكادەمياسىنىڭ انتروپولوگيا جانە ەتنوگرافيا مۇراجايىندا تۇر. سىزدەن سۇرارىم بالكىم تاپسىرما بەرەرسىز، بالكىم وسى ماسەلەنى شەشۋگە اتسالىسارسىز. بالكىم ءبىز الماسارمىز نەمەسە ونى باسسۇيەگىن قازاقستانعا قايتارىپ، تۋعان توپىراعىنا جەرلەۋ ءۇشىن باسقا دا جولدارىن تاپساق ءجون بولار ەدى. قازاق ءۇشىن بۇل وتە ماڭىزدى ماسەلە” دەدى ءماسىموۆ.

“كۇماندانباڭىز. مەن بۇل تۋراسىندا اۋىزشا تاپسىرما بەرەمىن نەمەسە قاعاز جۇزىندە بەكىتەمىن. مۇنى قاراستىراتىن بولامىز. سوسىن سىزبەن حابارلاسىپ سوڭعى شەشىم قابىلدايمىز”، – دەدى ءوز كەزەگىندە مەدۆەديەۆ.

كەيكى باتىر 1916 جىلعى تورعاي كوتەرىلىسىنىڭ كورنەكتى كوسەمدەرىنىڭ ءبىرى. 1926 جىلى كەيكى باتىردىڭ باسسۇيەگى سانكت-پەتەربۋرگتەگى كۋنستكامەراعا جەتكىزىلەدى.

ايتا كەتەلىك، ەكى ەلدىڭ ۇكىمەت باسشىلارىنىڭ كەزدەسۋى سوچيدە ءوتتى.