تۇرىك فۋتبولىنىڭ اتى اڭىزعا اينالعان شابۋىلشىسى حاكان شۇكيۋرگە توڭكەرىس جاساۋعا تالپىندى دەگەن ايىپ تاعىلۋدا. تۇركيا پروكۋراتۋراسى ەل قۇراماسىنىڭ بۇرىنعى شابۋىلشىسىن «قارۋلى تەرروريستىك توپتىڭ مۇشەسى» دەپ ايىپتاۋدا، - دەپ حابارلايدى Qamshy.kz.

ءسويتىپ حاكان شۇكيۋردى تۇتقىنداۋعا وردەر بەرىلدى. «AFP» اگەنتتىگىنىڭ حابارلاۋىنشا ستامبۇل «گالاتاسارايىنىڭ» بۇرىنعى شابۋىلشىسى حاكان شۇكيۋر پروكۋراتۋرا تاراپىنان «قارۋلى تەرروريستىك توپتىڭ مۇشەسى» دەپ ايىپتالعان. اگەنتتىكتىڭ مالىمەتىنشە، بۇل ۇيىمدى اقش-تا تۇراتىن تۇرىك ۋاعىزشىسى فەتحۋللاح گۇلەن باسقارادى.

ايگىلى فۋتبولشى سپورتتاعى كارەراسىن اياقتاعان سوڭ تۇرىك پارلامەنتىنىڭ دەپۋتاتى بولىپ سايلانعان. ول بىلتىر وتباسىمەن ەلدەن كوشىپ كەتكەن. «گالاتاسارايدان» بولەك، يتالياندىق «ينتەر» جانە «پيرامۋ» كوماندالارىندا ويناعان حاكان شۇكيۋر 2002 جىلى وتكەن فۋتبولدان الەم چەمپيوناتىندا قولا جۇلدە يەسى اتانعان.