‪#‎باياعىدا‬
سەمەيدە ەندى جۋرناليست بولىپ باستاپ جۇرگەن كەزىم. قالالىق ءماسليحاتقا كەلدىك. نە ماسەلە ەكەنى ەسىمدە جوق، ايتەۋىر سۇحبات جينادىق. ءبارى رەسمي تىلدە. مەملەكەتتىك تىلدە سويلەۋدەن قاشادى.
- اپاي، قازاقشا سويلەپ بەرەسىز بە؟
- جوق، ايتتىم عوي ورىس. اۋدارىپ ال...
- اپاي، وندا قازاقشا ايتپايمىن دەپ كامەراعا ايتىپ بەرىڭىزشى! 
- ءتۇۋ، ءوزىڭ قويمايدى ەكەنسىڭ! كەل، نە ايتىپ بەرەيىن؟
سوندا ول كىسى بىلەدى. قازاقشا. ءبىراق ايتپايدى. ساناسىندا "ورىسشا ايتتىم عوي، بولدى ەمەس پە؟! قازاقشا ماڭىزدى ەمەس قوي!" دەگەن وي بار. وعان سەنىمدى. پوستكەڭەستىك سيندروم...

‪#‎ءقازىر‬
مونتاجسىز، ۇيالى تەلەفونعا تۇسىرىلگەن جاس سپورتشىلار "ورىسشا ايتپايسىڭ با؟" دەگەنىنە قولىن ءبىر سىلتەپ كەتكەندە مەنسىنبەۋشىلىك ەمەس، "قازاقشا ايتتىم عوي، سول جەتپەيدى مە؟!" دەگەن شىن تاڭ قالىستى كوردىم. ولار بىلەدى. ورىسشا. ءبىراق "ورىسشا ماڭىزدى ەمەس قوي؟!" دەگەن وي بار. تاۋەلسىزدىك ۆيرۋسى. ونى تالاي ءجاسوسپىرىم كورىپ وتىر. اعالارىنداي وليمپ شىڭىن باعىندىرعىسى كەلەدى. جانە ولاردىڭ ساناسىنا جەڭىسكە قازاق تىلىمەن دە جەتۋگە بولاتىنى اقىرىن ءسىڭىپ جاتىر...

راحمەت ازاماتتارىم!

الماس توقابايەۆتىڭ فەيسبۋك پاراقشاسىنان الىندى.