وليمپيادانىڭ سەگىزىنشى كۇنى باستالدى. بۇگىن ۆاسيليي ليەۆيت جارتىلاي فينالدا جۇدىرىقتاسادى، - دەپ حابارلايدى Qamshy.kz aikyn.kz - كە سىلتەمە جاساپ.

تاڭعى ساعات 06:55-تە «حابار» ارناسى ەرلەر اراسىندا ءجۇزۋدى تىكەلەي ەفيردە بەرەدى. 100 مەتردى باتتەرفلياي ادىسىمەن ءجۇزۋدى كورە الاسىزدار. دەسە دە ەلىمىزدەن اتالعان جارىسقا قاتىساتىن ەشكىم جوق. ريو تورىنەن ءدال سول ساتتە كورۋگە بولاتىن كەلەسى جارىس – اكادەميالىق ەسكەك ەسۋ. بۇل جەردە دە ءبىزدىڭ اتلەتتەردى كورە المايمىز. جەكە ەسەپتە ەرلەر اراسىندا وتەدى.

ولجاس ساتتىبايەۆ (52 كگ) العاشقى بولىپ باستايدى. ونىڭ جۇدىرىقتاسۋىن "قازاقستان" ارناسى 19:55-تە كورسەتەدى. بوكس كەشىنىڭ قىزعانى شاعى - 01:55-تەن كەيىنگى كەز. تارتىستى "حابار" ارناسىنان 01:55-تەن باستاپ تاماشالاۋعا بولادى. رينگكە شىعاتىن ەندىگى بوكسشى – كوماندا كاپيتانى دانيار ەلەۋسىنوۆ (69 كگ). شيرەك فينالدا دانيار ۆەنەسۋەلالىق گابريەل ماەسترەمەن كەزدەسەدى. ۋاقىتى – 3:30. 91 كەلىگە دەيىنگى سالماقتاعى ۆاسيليي ليەۆيت جارتىلاي فينالدا. قارسىلاسى – كۋبا سپورتشىسى ەريسلاندي ساۆون. سەرىك ساپييەۆتىڭ ايتۋىنشا، بۇل ليەۆيتتىڭ كارەراسىنداعى ەڭ اۋىر جەكپە-جەك بولعالى تۇر. تارتىستى باسەكە 3:45-تە باستالادى. ەرلەر اراسىندا وليمپيادانىڭ شارشى الاڭىنا وسىعان دەيىن شىقپاعان تەك اۋىر سالماقتاعى (+91 كگ) يۆان دىچكو عانا قالعان ەدى. ونىڭ جۇدىرىقتاسۋى 4:45-كە جوسپارلانعان. 1/8 فينالدان باستايتىن دىچكو ءازىربايجاندىق ماگومەدراسۋل يۋسۋبپەن كەزدەسۋ وتكىزەدى.