استانادا ءوتىپ جاتقان جەر كوميسسياسىنىڭ وتىرىسىندا كوميسسيا مۇشەسى بەكبولات تىلەۋحان ءموراتورييدى ۇزارتۋ تۋرالى باستامانى قولدايتىنىن ايتتى، - دەپ حابارلايدى Qamshy.kz.

«وسىنداي ماڭىزدى ماسەلەنى شەشۋ ءۇشىن قۇرىلعان كوميسسيا مەن جاريالانعان موراتوريي ءۇشىن ەلباسىعا العىس ايتۋ كەرەك. جەر مەن ەلدىڭ تاعدىرى شىعارىلعاندىقتان ەشكىم تىس قالعان جوق. كوميسسيانىڭ ءاربىر مۇشەسى جانىن سالىپ جۇمىس ىستەدى. سىندارلى سۇحبات ورنادى. بۇل ماسەلەنى ءبىر ساتتە تۇبەگەيلى شەشە سالۋ مۇمكىن ەمەس، ول جۇيەلى تۇردە شەشۋدى تالاپ ەتەدى. ءبىز حالىقپەن ساناسىپ، ولاردىڭ ۇسىنىستارىنا قانىقتىق. نەگىزگى ماسەلە جەردىڭ ساتىلۋى مەن شەتەلدىكتەرگە جالعا بەرىلۋىنە بايلانىستى ءموراتورييدى سوزۋدى ۇسىندىق. ەندى اسىقپاي، وسى باعىتتا كەشەندى جۇمىس جۇرگىزۋىمىز كەرەك، - دەگەن ول موراتوريي سوزىلعان جاعدايدا كوميسسيا جۇمىسىن توقتاتىپ، قۇزىرلى مينيسترلىكتىڭ جۇمىسىن كۇشەيتۋدى ۇسىندى.

بۇگىن جەر كوميسسياسى وتىرىسىندا جەردى ساتۋ مەن شەتەلدىكتەرگە جالعا بەرۋگە جاريالانعان ءموراتورييدى بەس جىلعا سوزۋ ۇسىنىلدى.