جانىبەكتىڭ قارسىلاسى بۇرىنعى قازاقستاندىق بوكسشى بولماق، - دەپ حابارلايدى Qamshy.kz.

قازاقستاندىق بوكس مەكتەبىنىڭ تۇلەگى، ازەربايجان سپورتشىسى كامران شاحسۋۆارلى رينگتە شيرەكفينالدىق جەكپە-جەكتە جانىبەك ءالىمحانۇلىنا قارسى شىعادى.

ەسكە سالا كەتەيىك، قازاقستاندىق بوكسشى جانىبەك ءالىمحان ۇلى الجيرلىق يلياس ابباديدى جەڭىپ، شيرەك فيانلعا شىققان بولاتىن. 

«مەن قازاق بوكس مەكتەبىنىڭ تۇلەگىمىن جانە بۇكىل الەمگە ءبىزدىڭ بوكستى پاش ەتكىم كەلەدى»، - دەگەن جانىبەك كەز كەلگەن قارسىلاسپەن جەكپە-جەككە ءازىر ەكەنىن اتاپ ءوتتى.

جانىبەك ءالىمحان ۇلى 1993 جىلدىڭ 1-ساۋىرىندە الماتى وبلىسىنا قاراستى الاكول اۋدانىنىڭ جىلاندى اۋىلىندا دۇنيەگە كەلگەن. 8 جاسىنان باستاپ بوكسپەن شۇعىلدانادى.

حالىقارالىق دارەجەدەگى سپورت شەبەرى، الماتىدا وتكەن اۋەسقوي بوكستان الەم چەمپيوناتىنىڭ جەڭىمپازى، ينچحونادعى ازيا ويىندارىنىڭ جەڭىمپازى، امماندا وتكەن بوكستان ازيا چەمپيوناتىنىڭ جەڭىمپازى.

ال ونىڭ قارسىلاسى كامران شاحسۋۆارلى 1990 جىلى قازاقستاندا دۇنيەگە كەلگەن. 2011 جىلى كسرو ەڭبەك سىڭىرگەن سپورت شەبەرى سەرىك قوناقبايەۆتىڭ جۇلدەسى ءۇشىن  حالىقارالىق تۋرنيردە جەڭىمپاز بولدى. بوكستان اقتوبە قۇراماسىنىڭ ساپىندا ۇرىس سالدى (75 كەلىگە دەيىنگى سالماقتا). قازاقستان اتىنان كاسىبي رينگتە شاحسۋۆارلى بەس كەزدەسۋ وتكىزىپ، بەسەۋىندە دە جەڭىسكە جەتتى.

2013 جىلى ازەربايجان ازاماتتىعىن العان. 2014 جىلى كامران شاحسۋۆارلى ازەربايجان چەمپيونى بولدى جانە يۋگراداعى (رەسەي) مۇنايلى ەلدەر كۋبوگىندا ەكىنشى ورىنعا يە بولدى. باكۋدە وتكەن «ۇلى جىبەك جولى» جارىستارىندا شاحسۋۆارلى قازاقستان بوكسشىسى ساپارباي ايدانوۆتى جەڭدى جانە ءتۋرنيردىڭ جەڭىمپازى اتاندى. 2015 جىلى ازەربايجان چەمپيوناتىندا ەكىنشى ورىن العان. قازىرگى كەزدە شاحسۋۆارلى ازەربايجان قۇراماسىنىڭ قۇرامىندا جاتتىعۋدا.