برازيليانىڭ ريو-دە-جانەيرو قالاسىندا ءوتىپ جاتقان وليمپيادا ويىندارىندا جەڭىل اتلەتىمىز ولگا رىپاكوۆا ءۇش قارعىپ سەكىرۋدەن قازاقستان قورجىنىنا ءتورتىنشى قولا مەدالدى سالدى، - دەپ حابارلايدى Qamshy.kz.

التى رەت سەكىرۋگە مۇمكىندىك بەرىلگەن سپورتشىلاردىڭ ىشىندە ولگا رىپاكوۆا العاشقى مۇمكىندىگىندە 14، 73 سم سەكىردى. ەكىنشىدە 14،49 سم، ۇشىنشىدە – 14، 52 سم، تورتىنشىدە – 14، 20 سم سەكىردى. 

بۇل سايىستا التىن جۇلدەنى كولۋمبيالىق كاترين يبارگۋەن (15،17م) الدى. كۇمىس جۇلدە ۆەنەسۋەلالىق يۋليمار روحاسقا (14، 98م) بۇيىردى. ال لوندون وليمپياداسىنىڭ چەمپيونى قازاقستاندىق سپورتشى ولگا رىپاكوۆا 14. 74 م كورسەتكىشپەن ءۇشىنشى ورىنعا تۇراقتاپ، قازاقستان قورجىنىنا ءتورتىنشى قولا مەدالدى سالدى. 

رىپاكوۆا 32 جاستا. ءۇش قارعىپ سەكىرۋدەن لوندون وليمپيداسىنىڭ چەمپيونى، 2010 جىلعى الەم بىرىنشىلىگىنىڭ، 2014 جىلعى ازيا ويىندارىنىڭ جەڭىمپازى. بۇعان دەيىنگى ۇزدىك كورسەتكىشى – 15، 25 سم. ول – 2010 جىلى ازيا چەمپيوناتىندا تىركەلگەن رەكورد.

وسىلايشا قازاقستان ريو-دە-جانەيرو قالاسىندا ءوتىپ جاتقان وليمپيادا ويىندارىندا جالپى ەسەپتە 2 التىن، 2 كۇمىس، 4 قولا مەدالمەن 16-ورىنىن ساقتاپ قالدى.