بۇگىن تۇندە، ساعات 01:30-دا امستەردام-الماتى رەيسىمەن وليمپيادا جۇلدەگەرلەرى ەلدوس سمەتوۆ پەن وتگونسەسەگ گالبادراح وڭتۇستىك استانامىزدىڭ اۋەجايىنا ۇشىپ كەلدى، - دەپ حابارلايدى Qamshy.kz قازاقپاراتقا سىلتەمە جاساپ.

سپورتشىلاردى VIP-تەرمينال ارقىلى جۇلدەگەرلەردىڭ اتا-اناسى، دوستارى، ب ا ق جانە قالالىق اكىمدىكتىڭ وكىلدەرى كۇتىپ الدى. 

«ۇلىمنىڭ جەڭىسىنە قۋانىشتىمىن. بۇل ۇزدىكسىز جاتتىعۋ مەن باپكەرلەردىڭ ەڭبەگىنىڭ ارقاسى. ەلدوس 6 جاسىنان سپورتپەن اينالىسىپ كەلەدى. وليمپياداعا قاتىسۋ ونىڭ ارمانى بولدى»، - دەدى ەلدوستىڭ اكەسى باقتىباي سمەتوۆ.

«جەڭىسىمدى ەلباسىمىز نۇرسۇلتان نازاربايەۆقا ارنايمىن. وسىنداي قۇرمەت، قوشەمەتپەن قارسى الىپ جاتقاندارىڭىز ءۇشىن بارشاڭىزعا ايتار العىسىم شەكسىز. بۇل جەڭىستى ەل تاۋەلسىزدىگىنىڭ 25 جىلدىعىنا تابىس ەتەمىن. ريودا سپورتشىلارىمىزعا تەك جەڭىس تىلەيمىن»، - ەلدوس سمەتوۆ.

وليمپيادانىڭ قولا جۇلدەگەرى گالبادراح وتگونسەسەگ تە بارلىعىنا العىس ايتتى.

«بارلىعىڭىزعا، قولداۋ كورسەتكەندەرىڭىزگە راحمەت. وليمپيادا التىنى مەنىڭ بۇرىننان ارمانىم. مەن وعان جەتتىم. العا، قازاقستان!»،- دەدى گالبادراح وتگونسەسەگ.