ريو-دە-جانەيرودا ءوتىپ جاتقان ءحححى جازعى وليمپيادا ويىندارىندا قولا مەدال يەلەنگەن شىعىسقازاقستاندىق سپورتشى ولگا رىپاكوۆا ەل داڭقىن تاعى ءبىر رەت اسقاقتاتتى. سپورتشىنىڭ اناسى ايتىپ وتكەندەي، تۋىستارى بىردە-بىر ءساتتى ءمۇلت جىبەرمەي، تىكەلەي ەفيردەن تاماشالاپ وتىرعان، - دەپ حابارلايدى Qamshy.kz.

ولگا رىپاكوۆانىڭ اناسى ۆالەنتينا الەكسەيەۆانىڭ ايتۋىنشا، تۋىستارى ولگانىڭ جەتىستىككە جەتەرىنە سەنىمدى بولعان.

– ول وليپيادا ويىندارىنا اتتانا سالىسىمەن قوبالجىدىق. ءبىز ول التىن مەدال الادى الادى، ءبىرىنشى ورىنعا شىعادى دەپ بولجام جاسامادىق. تەك جەتىستىككە جەتەرىنە سەنىمدى ەدىك. تىكەلەي ەفيردەن ءار ءساتتى تاماشالاپ، ءاردايىم تەلەفونمەن حابارلاسىپ وتىردىق، – دەدى اناسى ۆالەنتينا الەكسەيەۆا.

ايتا كەتسەك، جازعى وليمپيادا ويىندارىنا قازاقستاننان اتتانعان 104 سپورتشى اراسىندا 6 سپورتشى شىعىس قازاقستان وبلىسىنان. سونىڭ ىشىندە جالپى كورسەتكىش بويىنشا ولگا رىپاكوۆا جەتىستىككە جەتىپ، قورجىنعا 8ء-شى مەدالدى اكەلىپ وتىر.