امەريكا قۇراما شتاتتارىندا بۇرىن-سوڭدى بولماعان عاجايىپ ءۇي بوي كوتەردى. كوپ قاباتتى تۇرعىن ءۇيدىڭ ەرەكشەلىگى سوندا ءوزىن ءوزى ەنەرگيامەن قامتاماسىز ەتەتىندى ەكەن. لوس-اندجەلەستەگى عيمارات قاجەتتى ەنەرگيانى ءوزى وندىرەدى.بۇل تۋرالى «سەگودنيا. Ua» حابارلايدى. كەيدە بۇل ءۇي وندىرەتىن ەنەرگيا بەلگىلەنگەن مولشەردەن اسىپ كەتەتىن كەزى دە بولادى ەكەن. Hanover Olympic دەپ اتالاتىن تۇرعىن ءۇيدىڭ توبەسىندە 215 كۇن باتارەياسى ورناتىلعان. سونىڭ اراقاسىندا ءار پاتەر ايىنا 3 كۆت ەلەكتر قۋاتىن الىپ، 100 دولللار ۇنەمدەيدى. سونداي-اق تۇرعىن ءۇي سۆەتوديودتى جارىقتاندىرۋمەن، Energy Star دەپ اتالاتىن ەنەرگيانى ۇنەمدەيتىن تۇرمىستىق قۇرىلعىلارمەن قامتاماسىز ەتىلگەن. اتالمىش ءۇيدى جىلىتۋ مەن جەلدەتۋ جۇيەسى دە باسقا عيمراتتارعا ۇقسامايدى.
ەنەرگيانى بارىنشا ۇنەمدەيتىن ءۇي لوس-اندجەلەستىڭ ورتاسىندا ورنالاسقان. بۇل عيماراتتىڭ ىشىندە سونداي-اق ستۋديا پاتەر، بىر-ەكى جاتىن بولمەلى پاتەرلەر بار. قالاداعى بارلىق ەنەرگيانىڭ 40 پايىزىن تۇرعىن ۇيلەر پايدالاناتىنىن ەسكە سالساق، لوس-اندجەلەستەگى جاڭا ءۇي ەنەرگيانى ۇنەمدەۋدە تاپتىرماس جوبا بولىپ وتىر.
