2020 جىلعا قاراي امەريكاندىقتار B61-12 ۇلگىسىندەگى اتوم بومباسىن ىسكە اسىرماق. يادرولىق ارسەنال گەرمانيانىڭ بيۋحەل قالاشىعىنداعى اسكەر بازاعا ورنالاستىرىلادى دەپ كۇتىلۋدە. ول جەردە ءقازىردىڭ وزىندە قىرعي-قاباق سوعىس كەزىنەن قالعان 10-20 وقتۇمسىق بار كورىنەدى. توتەنشە جاعداي ورىن السا بۇل اسكەري قارۋلار گەرمانيانىڭ "تورنادو" ۇشاعىنا ورناتىلادى دەپ جوسپارلانۋدا. "Washington Post"-تىڭ جازۋىنشا، وباما پرەزيدەنتتىك كارەراسىنىڭ سوڭىندا اقش-تىڭ يادرولىق قارۋلاندىرۋ ساياساتىنا قاتىستى ۇلكەن وزگەرىستەر جاساۋعا دايىندالۋدا. بۇل تۋرالى ZN.ua. اگەنتتىگى حابارلايدى.
بيىل باراك وباما يادرولىق قاۋىپسىزدىك جونىندەگى ءسامميتتىڭ اشىلۋىنا قاتىستى. ەكى مەرزىم پرەزيدەنت تاعىندا وتىرعان ول بارلىق مەملەكەتتەر يادرولىق قارۋدان باس تارتاتىنداي بەيبىتشىلىك ورناتا المادى. حالىقارالىق يادرولىق ەنەرگەتيكا جونىندەگى اگەنتتىكتىڭ باسشىسى يۋكيا امانو يادرولىق ماتەريالداردىڭ تەرروريستەر قولىنا ءوتىپ ءوتىپ كەتۋ ءقاۋپى بار ەكەنىن ەسكەرتتى. سوڭعى ەكى ون جىلدىقتا بايىتىلعان ۋراننىڭ 2،7 مىڭ جوعالىپ كەتۋ جاعدايى تىركەلگەن.
