وڭتۇستىكتىڭ پوليسەيلەرى ءىز-تۇسسىز جوعالعان 27 جاستاعى سارىاعاش اۋدانىنىڭ تۇرعىنىن ىزدەيدى. 2016 جىلدىڭ 11 تامىزى كۇنى سارىاعاش اىىب-نە 27 جاستاعى جەرگىلىكتى تۇرعىن كەلىپ، ونىڭ ايەلى، 1989 جىلى تۋعان قۇربانوۆا نۋريپا تالعات قىزى 10 تامىز كۇنى ۇيىنەن شىمكەنت قالاسىنا شىعىپ كەتىپ، قايتا ورالماعانى تۋرالى ارىزدانعان، - دەپ حابارلايدى Qamshy.kz otyrar.kz - كە سىلتەمە جاساپ.

بەلگىلى بولعانداي، 27 جاستاعى ايەل كۇيەۋىمەن بىرگە سارىاعاش اۋدانىنداعى بازارلاردىڭ بىرىندە جۇمىس ىستەيدى. ول شىمكەنت قالاسىنا تاۋار اكەلۋگە كەتكەن. ءقازىر نۋريپا قۇربانوۆانى ىزدەۋگە سارىاعاشتاعى پوليسيانىڭ جەكە قۇرامى مەن كريمينالدى پوليسيا باسقارماسى جۇمىلدىرىلدى.

ءىز-تۇسسىز جوعالعان ازاماتشانىڭ جۇرگەن جەرىن انىقتاۋ ماقساتىندا بارلىق ق(ا)ءىىب-نا باعىتتاما بەرىلىپ، جەدەل ىزدەستىرۋ توبى قۇرىلدى.

جوعالعان نۋريپا قۇربانوۆانىڭ بەلگىلەرى: بويى شامامەن 165-170 سم، ورتاشا دەنەلى، قارا شاشتى يىعىنا تۇسكەن، كوزى قوڭىر. كوك ءتۇستى شالبار، جاسىل ءتۇستى فۋتبولكا، قارا ءتۇستى اياق كيىم كيگەن.

وقو پوليسەيلەرى ءىز-تۇسسىز جوعالعان نۋريپا قۇربانوۆا جايىندا قانداي دا ءبىر اقپارات بىلەتىندەر بولسا، 102 نەمەسە 8-771-883-30-13 نومىرىنە حابارلاسۋىن سۇرايدى.