قۇتقارۋشىلار الماتىداعى الاتاۋ اۋدانىنداعى العاباستا تاعى ءبىر ءۇي قيسايىپ قالدى دەگەن حاباردى تەكسەرىپ جاتىر، - دەپ حابارلايدى Qamshy.kz Tengrinews.kz - كە سىلتەمە جاساپ.

ق ر ءىىم تجد باسپا ءسوز حاتشىسى رۋسلان يمانقۇلوۆتىڭ ايتۋىنشا، ءۇيدىڭ قيسايعانى جايلى مالىمەت تۇرعىنداردان كەلىپ تۇسكەن.

"العاباس-6" ىقشاماۋدانى، توعىز قاباتتى ەكى كىرەبەرىسى بار تۇرعىن ءۇي. ءۇيدىڭ قيسايىپ قالعانى جايلى مالىمەت بولدى. ۆيزۋالدى تۇردە ءۇيدىڭ قيسايعانى بايقالادى، الايدا ونىڭ قانشالىقتى قيسايعانىن ماماندار انىقتايدى. ءقازىر ولار وقيعا ورنىنا شىعىپ كەتتى. بۇل ماماندار تۇرعىنداردى ەۆاكۋاسيالاۋ بويىنشا شەشىم قابىلدادى"، - دەدى يمانقۇلوۆ.

تجك مالىمەتىنشە، بۇل توعىز قاباتتى ۇيگە تۇرعىندار 2016 جىلدىڭ 27 شىلدەسىنەن باستاپ كوشىپ كەلگەن. ۇيدە 54 پاتەر. ايتا كەتەيىك، الماتى تجد وكىلدەرى وقيعا ورنىندا. "ۆيزۋالدى تۇردە ءۇي بۇلىنبەگەن. جارىق تۇسپەگەن"، - دەدى تجد وكىلدەرى.

ەسكە سالايىق، الماتىدا وسىعان ۇقساس وقيعا بيىل ماۋسىم ايىندا دا بولعان ەدى. جاڭادان سالىنعان ءۇيدىڭ تۇرعىندارى تۇندە ەۆاكۋاسيالانعان بولاتىن. تج الاتاۋ اۋدانىنداعى العاباس ىقشاماۋدانىندا (مومىش ۇلى جانە اقىن سارا كوشەلەرىنىڭ قيىلىسى) بولدى. تۇرعىنداردىڭ ايتۋىنشا، تولاستاپ جاۋعان جاڭبىردان ءۇيدىڭ جەرتولەسىنە سۋ تولىپ قالعان.