قاراعاندى وبلىسىندا جاڭا تۋعان ءسابيىن قوقىسقا لاقتىرىپ جىبەرگەن ستۋدەنت قىز،  جازادان قۇتىلدى. سوت باۋىر ەتى بالاسىن دالادا قالدىرعان كەلىنشەككە ءبىر جىلعا شارتتى تۇردە عانا ۇكىم شىعاردى، - دەپ حابارلايدى Qamshy.kz 31 ارناعا سىلتەمە جاساپ.

ياعني، زاڭدى كۇشىنە ءالى ەنبەگەن شەشىمگە ساي، 18 جاستاعى ستۋدەنت قىزدى ءتارتىپ ساقشىلارى جۇيەلى تۇردە تەكسەرىپ وتىراتىن بولادى. اشىق تۇردە وتكەن سوتتا جاس انا ءوز كىناسىن تولىق مويىنداپ، وكىنەتىنىن ءبىلدىردى. جانە  بۇل قادامعا اتا-اناسىنان قورىققاننان بارعانىن ايتقان. سوندىقتان جۇكتىلىگىن بالانىڭ اكەسى مەن ءوز جاقىندارىنان جاسىرىپ كەلگەن. ازاماتشا بيىل مامىردىڭ 17 كۇنى مەرزىمىنەن بۇرىن اجەتحانادا بوسانعان ەدى. نارەستەدەن قۇتىلۋدىڭ امالىن ىزدەگەن ول،  پوليەتيلەنگە سالىپ، ونى قوقىسقا تاستاعان بولاتىن. ءسابيدى اۋلا تازالاۋشىلاردىڭ ءبىرى تاۋىپ العان.   

- ازاماتشا ءبىر جىلعا باس بوستاندىعىنان شەكتەلدى. سوت 18 جاستاعى ستۋدەنت قىزدى 500 مىڭ تەڭگە كولەمىندە اليمەنت تولەۋدى مىندەتتەدى. ويتكەنى، ول اتا-اناسىنىڭ اسىراۋىندا. ال بالانى زاڭدى تۇردە نەكە قيعان اكەسىمەن بىرگە اسىرايدى، - قاراعاندى وبلىستىق سوتى باسپا ءسوز قىزمەتىنىڭ جەتەكشىسى گۇلبارشىن جىتىكوۆا.