تۇركيانىڭ وڭتۇستىگىندە جارىلعان اۆتوكولىك سالدارىنان ءتورت پوليسيا قىزمەتكەرى جانە ەكى تۇرعىن قازا تاپتى، - دەپ حابارلايدى Qamshy.kz centralasian.org - كە سىلتەمە جاساپ.

تۇرىك بيلىگىنىڭ حابارلاۋىنشا، شابۋىل ديارباكىر پروۆينسياسىنداعى حالىق كوپ شوعىرلانعان اۋدانداعى پوليسيا بولىمشەسى ماڭىندا جاسالدى.

وتكەن جىلدىڭ شىلدەسىنەن بەرى بۇل پروۆينسيادا قاۋىپسىزدىك كۇشتەرىنىڭ كۇردى قارۋلى توپتارىمەن قاقتىعىستارى جيىلەپ كەتتى. سوڭعى مالىمەتەر بويىنشا، شاۋىلدان 25 ادام زارداپ شەكتى، ولاردىڭ سەگىزى - پوليسيا قىزمەتكەرى.

تۇركيا ۇكىمەتى شابۋىلدى كۇردى جاساقتارى جاسادى دەپ وتىر. دەگەنمەن جارىلىس شاۋاپكەرشىلىگىن ازىرگە ەشقانداي ۇيىم موينىنا العان جوق.

حالىقارالىق داعدارىس توبىنىڭ مالىمەتى بويىنشا، وتكەن جىلى انكارا مەن كۇردى جاساقتارى اراسىندا بەيبىت كەلىسىم ۇزىلگەن ۋاقىتتان بەرى ەلدە 1800 مىڭنان استام پوليسيا قىزمەتكەرى مەن بەيبىت تۇرعىن ءتۇرلى شابۋىلدار سالدارىنان قايتىس بولدى.