وتاندىق نەيروحيرۋرگتەر كوپشىلىككە تانىمال بولعان قاراعاندىلىق نياز سۇندەتالييەۆكە ءۇمىت سىيلادى، - دەپ حابارلايدى Qamshy.kz 24.kz - كە سىلتەمە جاساپ.

ايتا كەتەيىك، نياز وسىدان بىرنەشە جىل بۇرىن العان جاراقاتىنان مۇگەدەك بولىپ قالعان ەدى. قازاقستاندىقتار وعان شەتەلدە وپەراسيا جاساتۋ ءۇشىن قارجى جيناپ بەرگەن دە بولاتىن. الايدا، پرەزيدەنت ءىس باسقارماسى مەديسينالىق ورتالىعىنىڭ ماماندارى وعان وپەراسيانى تەگىن جاساۋعا دايىن ەكەندىكتەرىن جەتكىزدى. سوندىقتان نياز قولىنداعى جينالعان 5،5 ملن تەڭگەنى شەتەلدە جەدەل ەم الۋى قاجەت بالالارعا اۋداردى. ەندى وتاندىق دارىگەرلەر نياز سۇندەتالييەۆكە وسى ايدا وپەراسيا جاساماق. قايسار جىگىت ءوزىنىڭ ناۋقاستىعىنا قاراماستان ايماقتىڭ قوعامدىق ومىرىنە بەلسەنە ارالاسادى. ءوزىنىڭ جەكە بلوگىن جۇرگىزىپ وتىر. ءتۇرلى قايىرىمدىق شارالارعا قاتىسىپ، جەتىم بالالارعا قولداۋ كورسەتۋگە مۇرىندىق بولۋدا.

- ماعان «ۇلت ساۋلىعى» باعدارلاماسىنىڭ باس رەداكتورى حابارلاستى. ءقازىر ولار وتاندىق مەديسينا جايىندا ءبىرقاتار باعدارلامانى ءتۇسىرىپ جاتىر ەكەن. باعدارلاما «حابار» تەلەارناسىنان كورسەتىلەدى. ولار ماعان استاناداعى ق ر پرەزيدەنتىنىڭ ءىس باسقارماسى مەديسينالىق ورتالىعىنا جاتۋىمدى ۇسىندى. وپەراسيادان كەيىن مەنىڭ دەنساۋلىعىم ءبىرشاما قالپىنا كەلەدى دەگەن ۇمىتتەمىن، - دەيدى نياز سۇندەتالييەۆ.